Kult.az بختیار واهابزادنین مرصییه اوسکویویه حصر ائتدیی "مرضییه" پویماسین‌دان بیر حیصه‌نی تقدیم ائدیر:

سن دوغولدون غیرتین‌دن،جراتین‌دن، مرضییه‌جان،
آلدیم سنین سوراغینی
اؤلومون‌دن چوخ سونرا من مرضییه‌جان.
سن ووروشدون الین‌ده‌کی سلاحلا یوخ،
قلبین‌ده‌کی ایمانینلا،اینامینلا.
حک ائلدین اؤز آدینی سن تاریخه اؤز قانینلا.
مین ایل کئچسه قالاجاقسان ۲۷ یاشیندا سن،
تاریخین یادداشیندا سن طلبه‌لیک ایللرینده
سن صینیف‌دن،صینفه یوخ،آددیملادین آختاریشدان آختاریشا.
بیر تاپینتی یازیلیب‌دیر آلنین‌داکی هر قیریشا.
نیی تاپدین؟ بینینده‌کی سواللارین جوابین.
بو دونیادا سنین سئوینج قیسمتینی کور ائیله‌یه‌ن
بیر عؤمورلوک عذابینی.
سن گنج ایدین،
نئیلییردین بو دردلری،بو قملری؟
نیه گلیب سنی تاپ‌دی بو دونیانین سیتملری؟
دوز دئمدیم.
اونلار دئییل،سن اونلاری تاپان اولدون.
بئینینده‌کی سواللارین آرخاسینجا چاپان اولدون.
کیمی گلیر بو دونیایا بو دونیانی اونوتماغا،
کیمی گلیر دونیایا یوخ، اؤز قلبینه زوی توتماغا.
کیم گلیر بو دونیانین نشعه‌سینی یاشاماغا،
کیمی گلیر،بو دونیانین دردلرینی داشیماغا.
کیمی گلیر،بو بو دونیادان اومدوغونو گؤرورمه‌یه،
کیمی گلیر،بو دونیایا اؤز اودوندان نور وئرمه‌یه.
کیم گلیر بو دونیادا اولانلارا داش آتماغا.
کیم گلیر بو دونیادا اولمایانی یاراتماغا.
حاق ایستدین،
دئدین نیه، آدی وارین اؤزو یوخدور؟
دئدین نیه بو دونیانین ایریسی وار،دوزو یوخدور؟