Kult.az اوشاقلار اوچون نظرده توتولموش ناغیللار سئریاسیندن "تیق-تیق خانیم"ین ناغیلینی تقدیم ائدیر:

یسپیسا خانیم يالنیزلیقدان بئزیب اؤزونه بیر دوست آختارماق فیکرینه دوشور. اونا گؤره اوز-گؤزونو بزه‌يیب اوخويا-اوخويا يولا دوشور:

سورمه چکدیم گؤزومه،

دوشدوم چؤلون دوزونه

دوست گزیرم اؤزومه

دوست گل، هارداسان

تئز گل، هارداسان

دیپ دیپ دیپ دیپ

دوست گل، هارداسان

تئز گل، هارداسان

دیپ دیپ دیپ دیپ

(يولدا بیر چوبانا يئتیشیر؛ اوتوروب قويون-قوزولارا دودک چالیر؛)

- قارا قیز هارا گئدیرسن بئله؟

- هئي بورا باخ، قارا اؤزونسن، من ساچی

سوراي خانیمام. دونو داراي

خانیمام.

- ياخشی آي خانیم، هارا گئدیرسن بئله؟

- چره گئدیره، چؤره گئدیرم… سنه نه

وار هارا گئدیرم؟ اؤزومه دوست

آختاریرام

- دوست آختاریرسان؟ من حاضیر

- ایشدی، بیردن آجیغلاندیرسام سنی، نَيله

وورارسان منی؟

- ( چوبان زوپاسینی گؤستریر. )

- سیز بونا باخینا، بونون دوستلوغونا باخین.

(يولونا داوام ائده‌رک: )

باخدیم باخدیم گوزگويه

باخدیم باخدیم اؤزگه‌يه

قورخدوم قورخدوم گؤز ديَه

آخ گؤزلم من

واخ گؤزلم من

( يولدا دینجلمکده اولان بیر قوردا راست گلیر؛)

- نازلی خانیم، دوزلو خانیم، خئير اولا،

هارا بئله؟

- چره بئله، چؤره بئله، سنه نه وار هارا

بئله؟ اؤزومه دوست آختاریرام

- دوست آختاریرسان؟ مننن ياخشی دوست

هانی؟

- ایشدی، بیردن آجیغلاندیرسام سنی، نَيله

وورارسان منی؟

- سالارام سنی دیشیمه، ازه‌رم

(اومیدی اوزولوب قورددان اوزاقلاشیر؛ اوخويور:)

چمنده چیچک قوشا

گؤيده کپنک قوشا

سودا بالیق تک دئيیل

يووادا گؤيچه قوشا

( هزین هزین اوخوياراق بیر سیچان بَيه چاتیر )

- تیخ تیخ خانیم، ساچی سوراي خانیم، دونو

داراي خانیم، هارا گئدیرسن؟

- چره گئدیرم، چؤره گئدیرم… سنه نه وار

هارا گئدیرم؟ اؤزومه دوست آختاریرام

- گل ایکیمیز دوست اولاق ، بیر يئرده

ياشیياریق، يوکوموز ده آز اولار

- ایشدی، بیردن آجیغلاندیرسام سنی، نَيله

وورارسان منی؟

- قويروغوما ياغ چکرم، بال چکرم،

ياناغیوا خال چکرم

- ياخشی، من راضی

( چالغیچیلار چالماغا باشلار، توي ائدیب اوينارلار )

(تويدان سونرا بیر گون سیچان پیشیگین ائولنمه‌سینی ائشیدیر؛)

- خان پیشیگی، بعضیگیب ائو ائشیگی، تويودور، گئدیم الیمه کئچندن داشیيیم ائوه. دار گوندن اؤتورو

- بس من؟

- اورا گئتمک خاتالیدیر، اوتور ائو ائشیيه باخ.

( سیچان توي ائوینده هر يئره باش چکیر يئمکلردن گؤتورور تورباسینا دولدوروردو )

( پیشیگین گلینی بیردن سیچانی گؤروب ماووللايیر)

- میياو میياو

- يئری دئيیل، ياخشی دئيیل، هؤوسه‌لن اولسون.

( سیچان بَي توي مجلیسینده ایکن، پیسپیسا خانیم چاي قیراغیندا هزین-هزین اوتوروب، بو آندا بیر کیرپی گلیر؛)
- نه اولوب؟ کئفین يوخدوری

-سیچان بَي اؤزو کئفده، منی تک
قويوب ائوده. يوخ اوندان دوست اولماز.

گل سنینله دوست اولاق
- منیم اؤز دؤستلاریم اؤزومه بسدیر

(سونرا پیسپیسا خانیم سويا دوشور، بو آن توي ائوینه يوللانمیش بیر آرابا اورادان کئچیر؛)
- آي گئدن آتلی، الی باراتلی، خان ائوینه
گئدرسن، جیزلاق پیلاو يئيرسن،
سیچان قولو بَيه دئيرسن:
تیخ تیخ خانیم، ساچی سوراي خانیم، دونو
داراي خانیم، دوشوب دوه چوخورونا، تئز اؤزونو چاتدیر اونا.

( توي ائوی، پیشیکلر:)
- تیخ تیخ خانیم، ساچی سوراي خانیم. دونو داراي خانیم دوشوب درین چايا، آز قالیب آخیرینا

( سیچان بونو ائشیدیب واختی ایتیرمه‌دن پیسپیسا خانیمی قورتارماغا قچیر:)
- الینی منه بسترجیک

- يوخ يوخ من سندن کوسترجیک

- کوسترجیک، کوسترجیک، من ده سنه قويروق گؤسترجیک.

پیسپیسا خانیم سیچان بَيین قويروغوندان ياپیشیر چیخیر ائشیيه.

( پیسپیسا خانیم اوخويور:)
- بیر کؤرپه بؤجه‌يم من، چیچکدن
گؤيچه‌يم من، دوست تاپمادیم تاپمادیم،
تکجه‌يم، تکجه‌يم من.