کولت.آذ گونئی‌لی شاعر و یازار "پری آخته‌‌"نین آق چای آدلی شعرینی تقدیم ائدیر:

منی باغرینا باس آق چای

قاتیلیم سنده اوزوم...

آند اولا وحشی گوللره

او سرین چاغلایان شلاله لره

حیرانین دونگه لرینده ایترمیشم اوزومو

تونئل ده فیرلانیرام

نه بیلیم بلکم ده

یازیندا گؤی زبانام یا آلچا

یاییندا فیندیق

یا تیکانلی بوءیورتکن کولو

پاییزیندا ازگیل

هئیوا یادا نار

قیشیندا

قوش جیویلتی سی

ائله بیل

تیتره ین یارپاغینام

یا دامجی_دامجی گوز یاشین

حصار حصاردا قالان چنلی

داغلارام آق چای

الیم ده واردی منیم

نچه مینلر

یومروق

اووج_اووج

اولدوز

هره سی بیر آتادیر

دوداغیندا حسرت

او تایداکی

باجی _قارداش

بوتایداکی

آنا_یولداش

دینجیلک آلیرام

بوتون گوج ایله آغلیرام

من آیی سیندیرماق

گونشی یاندیرماق

ایسته میرم

بو دوواردان

بو حصاردان

اودوم_اودوم

سیزیلدیرام

منی باغرینا باس آق چای

منی باغرینا باس آق چای...