یوخاری

شعیر- نه یاتمیسان قوجا وولکان، سنینله‌یه‌م- ویدئو

آنا صحیفه ادبیات
12 Punto 14 Punto 16 Punto 18 Punto
شعیر- نه یاتمیسان قوجا وولکان، سنینله‌یه‌م- ویدئو

Kult.az محمد آرازین "آیاغا دور، آذربایجان!" شعیرینی تقدیم ائدیر:

نه یاتمی‌سان قوجا وولکان، سنینله‌یه‌م!
آیاغا دور آذربایجان، سنینله‌یه‌م!

سن‌دن غیری،
بیز هر شئیی بؤله بیللیک.
سن‌دن غیری،
بیز هامیمیز اؤله بیللیک.
بو شهریار هاراییدیر،
بو بختیار هارایی‌دیر.
آیاغا دور آذربایجان!
بونو بیزه زامان دئییر،
مزاریندان باش قالدیران بابان دئییر:
- نر اوغلو نر، سنینله‌یه‌م!
سنینله‌یه‌م سلاح توتان،
کولونگ توتان، یابا توتان،
کؤسؤی توتان نیشان‌لی ار سنینله‌یه‌م!
سنینله‌یه‌م قیز آتاسی،
هانی نعرن، هانی سسین؟
هانی آندین؟

یوخسا سن ده یاتمیشلارا، باتمیشلارا،
غیرتینی ساتمیشلارا خیردالاندین؟
گؤزونو سیل وطن اوغلو،
آیاغا قالخ!
اوفوقونه بیر یاخشی باخ،
سرحدینه بیر یاخشی باخ،
سرحدینین کمندینه بیر یاخشی باخ!
دور ایچیندن قورخونو بوغ،
اؤلومونله قالیمینی آییرد ائله.
دور ایچیندن دووشانی قوو،
دور اؤزونو بوز قورد ائله!

واریم - یوخوم سنینله‌یه‌م،
آزیم - چوخوم سنینله‌یه‌م،
شیرین یوخوم سنینله‌یه‌م.
ییخین منی سؤز آتین‌دان،
آتین منی تانک آلتینا،
ازین منی خینجیم-خینجیم
کسمیر اگر سؤز قیلینجیم.
دیدین منی دیدیم - دیدیم،
آتین منی تانک آلتینا.
قونداق‌داکی بیر کؤرپه‌نی خلاص ائدیم،

سنینله‌یه‌م،
سؤزو غملی، اؤزو دملی
رهبر آدام!
۱۹۱۸ -ده ووروشوردو
دانیشمیردی رنجبر آتان،
رنجبر آتام!

اویات بیزی ای یارادان، سنینله‌یه‌م!
یا بیرمرره یاتیرت بیزی،
یا بیرمرره اویات بیزی.
یا یئنی‌دن یارات بیزی!
ای یارادان، سنینله‌یه‌م!
سنینله‌یه‌م، یاتمیش وولکان.
سنینله‌یه‌م!
آیاغا دور آذربایجان،
سنینله‌یه‌م!

ویدئوداکی شعیری آذربایجانین مرحوم صنعتکاری میکاییل میرزا سسلندیریر:

تاریخ
2018.12.27 / 16:37
مولف
آینوره مممدووا
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla