Kult.az خورامان وفانین "حسرت گئجه‌لر" آدلی شعیرینی تقدیم ائدیر:

سن من‌دن آیریلیب گئدن‌دن بری،

جانی‌می یاندیریر حسرت گئجه‌لر.؟!

سوکوت دومانتکی چؤکوب اوستومه،

قلبیم‌ده قالماییر تاقت، گئجه‌لر.

گاه هیجران اوستومه هوجوم ائلییر،

گاه درد اؤنه کئچیر، قم اوستلییر.

کؤنول اومدوغونو سن‌دن دیلییر،

یالقیزلیق گؤزلمیر دعوت، گئجه‌لر.

سنی خاترلادیر هر کونج، هر بوداق،

سانیرام اللرین منی ساراجاق.

خیاللار ساریلیر بوینوما آنجاق،

منه نه یاشاتمیر، حیرت گئجه‌لر.

ایللردیر یولداشام قارا گئجه‌یه،

بیر گون گؤرمدیم کی، منه جان دئیه.

سن ده یئتمییرسن دادا، کمکه،

منه شفقت وئرمیر، شفقت گئجه‌لر.

قیریلیب اومیدیم، اؤلوب هوسیم،

روحوم اؤلوب، قالیب قورو نفسیم.

دیوارلارا دییب قایی‌دیر سسیم،

منی قارت ائدیر، قارت گئجه‌لر،

نه یامان اولورموش هسرت گئجه‌لر.