کولت آذ گونئی‌لی شاعر یعقوب نیکزادین شعرینی تقدیم ائدیر:

‍ گؤزه گیریر گؤزللییین سؤزلریمده.
قانا قویور قوراللاری دویغولاردا
باخیشلارین.
یئرین شیرین سالیر جانلی غزللرده
یازیلمامیش گولوشلرین
اوخونمامیش اوووجلارین.
سیرغالانیر سئودالانمیش سئوگی لردن
یارانمامیش آرزولارین.

سن
یارامین گؤزلرینه یامانمالی
سن
گل یاپیش هاراییمدان!
سنین الین تانری دیلی
سنین دیلین
ملکلرین قولاغیندا " قوران " سسی
سنین سسین قوربان پایی
میناره دن قانادلانان گؤیرچین لر پیچیلتی سی
یاشام ایزی...

یوخسا
منیم نه کاریما!
وطن چابالاییر قوش اوره یی تک.
یا
قیلینجین داماغیندا پارچا - پارچا چالیخلاییر
آغریلارین اووودان یوخ دیلیمیزین.
نه کاریما یول دارتینیر!
رویالارین قاندال - قاندال چیخیشیندا.

مندن آرین - آرخایین اول!
من
نازینی چکمه سم ده،
نیسگیلینی داشیییرام اوره ییمده
یازدیغیمی یاشاییرام
اؤزللیک له.
مندن سینما!
یوخسا،
او کی سنه قالدی،
گؤزومه ده گلسن یوخ دئمرم کی.