کولت.آذ گونئی‌لی شاعره شریفه جعفری‌نین شعرینی تقدیم ائدیر:

آغلاما اویغوروم آغلاما گولوم
اوره ییم کوکسومده پارام پارچادیر
،دونیایا داغیدان علمی، صنعتی
اویغور بابالارین گوجو هاردادیر

سنین گؤز یاشلارین اود پارچالاری
دنیانی اودلاسین دنیانی یاخسین
ایللردیر عدالت قارا حپیس ده
آللاهیم بیریسی اونو قورتارسین

دئییرلر آز اولار پیس گونون عؤمرو
بیزیم کی عؤمروز پیس گونله گئشدی
نه اولدو بو میللت نه اولدوآخی!،
بئله سوسقون اولدو، بئله دئیشدی ؟

نه اولدو دونیانی تیتره دن تورکون
آناسی اسیردی، بالاسی قاچقین
بیز هاردا بو قده ر سهو ائیله میشیک
چیخیر ایچیمیزدن بو قده ر ساتقین

چیخاجاق البته! ندن چیخماسان؟
بیزیم باشیمیزدان مین اویون گئچیب
زورلا سویوموزو قاریشدیرانلار
بیزدن اؤزوموزه دوشمانلار بیچیب..

آه اولو تاریخیم، آه اولو یوردوم
مین تیکه اولوبسان مین درد اولوبسان
هر یانین سیزلاییر هر یئرین یانیر
سویسوز ارمنیه سن، یورد اولوبسان

بو گون وارلیغینی دوشمان قوللانان
باباسی فاشیستین الینده اسیر
بیر اویغور اوشاغی یالواریر بیزه
بیر گؤزو باکی یا ساری اوزانیر-
بیرسی یالواریر قوجا تبریزه

بو گون اصفاهاندا اؤزگه بیر میللت
صنعتیم، هونریم ،ثروتیم دئییر
توریست لر شهری دئیلن شهر،
اویغور تورکلرینین امه یین یئییر

اونلارین هنری، صنعتی بوگون
اؤزونه زهردیر اؤزکه یه چؤرک
الهی اوره ییم پاتلاییر آخی
اؤزونه یایانجی اؤزگه یه بایقین
میللتی اؤزونه نئجه دونده رک!؟ .