Kult.az گؤرکم‌لی شاعر واحید عزیزین "اؤزومو تاپا بیلمیرم..." شئعیرینی تقدیم ائدیر:

... آتلاری چاپین دؤردنالا،
قاچمیشام – چاتیب گتیرین،
قویمایین سحره قالا،
آخشامنان تاپیب گتیرین،
آیری‌لیق بیر گئدر-گلمز،
هله‌م-هله‌م گئدن – گلمز!
یامانلا دونیا دوزلمز،
یاخشیمنان توتوب گتیرین.
یارامادیم بو اورکدن!
نه فرقیم وار کپنکدن؟
ایشیغی‌می یا شیمشک‌دن،
یا شامنان توتوب گتیرین.
کؤینیی ییپراندی سازین،
یولو قاپان‌دی آرازین،
یاخشی دوستلار داغیلماسین
باشیمنان-توتوب گتیرین!
لایلان هانی، گؤزل آنام،
دوغدون کی، بو جور تالانام!؟
او زاماننان بدگمانام
قونشومنان – توتوب گتیرین!
دؤوران منی نیه سیخیر؟
اینصاف ائتسین، الله باخیر!
درد او قدر؛ آدیم چیخیر
هوشومنان – توتوب گتیرین،
اوچورسان، چاتا بیلمیرم،
یوخوم اول، یاتا بیلمیرم،
اؤزومو تاپا بیلمیرم؛
یاخامنان توتوب گتیرین...