کولت آذ کریم احمدیان-ین شعرینی تقدیم ائدیر:

سیزقین بو جانیم یانمالیدیر قیش قوجاغیندا
سن سایمایاراق خوش اوتوروبسان اوتاغیندا

لاق چرچیودن بوشلو آسیلماقلارا یاندیم
آغلار بو گؤزوم ایز بوراخیبدیر چاناغیندا

نیسگیللی بولود دامجیلاراق بوش کوچه میزده
سنسیزلییمی من جالانیردیم یولاغیندا

باغریم یارالاندی ساری تئل حنجره سیندن
ماهنیمدا بوغولموشدو غریب ساز بولاغیندا

کسدین باخیشین سانمالیسان دینجله جکسن
قارقیشلی آهیم اوینایاجاقدیر قاباغیندا

چوخدا گؤوه نیب گؤزلرینه قاش گؤزون آتما
بیر گون گؤره سن یانمالیسان اؤز اوجاغیندا

فکر ایله مه ووردون قاچاجاقسان باخیشیمدان
هر آن خیالیم فیرلاناجاقدیر یاتاغیندا

سون گونده منیم گؤز بولاغیم چیپ جالاناندا
گونلر منه « شاهید دی» دوشه ر چور چوماغیندا