کولت آذ ائلوین پاشانین یازیسینی محمود دوستان-ین ترجومه‌سیله تقدیم ائدیر:

یئنه هاردانسا سویوق گلیر
بیراز بو سس-کویلو بیگانه‌لیک تیتره‌دیر،
بیراز بوینوما ساریلان اللر اوشودور.
دانیشیریق آتیب گئدنلردن...
سونرا سوسوروق
دونیانین ان قددار آداملاریندا

سونرا هره‌میز بیر کونج‌دن قالدیریریق اللریمیزی
بیراز داوودون سسیندن کؤوره‌لیریک،
بیراز سونوموزو دوشونوروک،
دانیشیریق آخشام-آخشام
گلنی گؤزله‌ییریک.
یئنه سوسوروق دونیانین ان قددار آداملاریندا
هره بیر آد چکیر
یزید،هیتلر،صدام

بو دفعه هره‌میز اینی کونج‌دن قالدیریریق اللریمیزی.
بلکه، سن‌ده دییشَرسن؟
دوشونورم اوره‌ییمده
نه بیلمک اولار، دونیانین ایشی‌دیر
بیز نه قدر چوخ سوسوروق
الله داها چوخ ائشیدیر

ایکیمیزه بیر ملک وار باشیمیزین اوستونده،
بیزی هر دوعامیزدا پوسور.
سنین تسَللی‌لرینه
"خوشبختم، من خوشبختم" یالانینا تانری اؤزوده سوسور

منم ده
منی بوش وئر.
هچ اولماسا دوزون دئه،
هله ده بیلمیرسن‌می
سندن سونرا نلر اولدو
نئچه ایلدی آلنیمداکی قیزیشلاری پوزورام...
ایندن بئله
بلکه اؤلومونه بئله آغلامادیم
من ۱۴ یاشیمدان
اللریمی گؤیه قالدیریب
تسلیم اولدوم
ایندی اؤلومونه ده
ایکی اَللی حاضیرام...