کولت. آذ گونئی‌لی تانینمیش شاعر و میللی-مدنی فعال حبیب ساسانییانین وطنه حصر ائتدیی شعیرینی تقدیم ائدیر:

وطن شاعرییه‌م وطن اوغلویام
دیلیم‌دن دوشمییر وطنیم-دیلیم
قاداغا قویولوب وارلیغیمیزا
وطن‌سیز یاشاییر وطن‌ده ائلیم
وطن مقدس‌دی، وطن تمیزدی
وطنین اؤولادی، بیزه عزیزدی
وطنی سئومه‌یه‌ن، وطنداشلارین
قافاسی ایشلمیر، روحو مریضدیر
وطنی اؤزونه چؤرک ائد‌نلر
وطنه یالاندان قوربان گئدنلر
وطنین امیی گؤزوزدن گل‌سین
وطن دوشمه‌نینه قوللوق ائد‌نلر
وطن کوتساللاردان کوتسالدی بیزه
وطنیم هئچ زامان گلمه‌سین گؤزه
وطن شاعرییه‌م وطن قوربانی
وطنیم قارشی‌سین‌دا چؤکره‌م دیزه
وطن‌سیز یاشاماق اولاسی دگیل
وطنه قوربان اول، وطنه اییل
وطن اوجاغیمیز، وطن پیریمیز
یاکاموز وطنه هر آن باش اییر