کولت آذ گونئی‌لی شاعر آرش احمدی‌نین شعرینی تقدیم ائدیر:

دنه - دنه گؤیدن گله‌‌ن
عاشیقلارین سازی - سسی
تبریزیمه گلین دونون
گئیدیریردی قار دنه-سی

گؤزو دولو، اوره یی بوش
یئریییردیک آدیم - آدیم
باغیریردیق تک بیر سسله
«سنین آدین، منیم آدیم»

اؤزگورلویه حسرت قالان
بیر تبریز وار، بیرده تبریز
ایل-لر بویو اؤز ایچینده
ائله یورغون، ائله سس سیز

او گونلردن گئچدیک آرتیق
گئچمیشیز قالدی بیزه...
بو ایسارت، کفن ایدی
گئیدیریردی، قار تبریزه!

بیز سئوگینین گؤردوک سونون
آتا - بابا گؤزل دئدی...
ایچیمیزه قوردلار دوشدو
ایچیمیزدن بیزی یئدی !

آنجاق یئنه اینانیرام
گؤزل گونلر گله جک دیر
بلکه اوگون کیم نه بیلیر
شاعیر روحوم اؤله جک دیر...