بیر گون خاصیتی چوخ آغیر اولان بیر گنجین آتاسی اوغلونو یانینا چاغیراراق اونا بیر کیسه میثمار وئریر و تاپشیریر کی، هر دفعه کیمین‌سه خطرینه دییب اینجیتدیک‌ده بو میثمارلاردان بیرینی حیطین قاپی‌سینا چالسین. بیرینجی گون اوغلان ۳۰-آ قدر میثمار ایچله‌دیر. گئت-گئده صبرلی و تمکینلی اولماغا چالیشان گنج ووردوغو میثمارلارین سایینی گوندن-گونه آزالدیر.

تمکینینی قوروماغین میثمار وورماق‌دان داها آسان اولدوغونو گؤره‌ن اوغلان بیر نئچه هفته‌دن سونرا گون عرضین‌ده بیر دنه ده میسمار وورمادیغینی گؤروب بونو آتاسینا دئییر. آتا بو دفعه اوغلونا هر دفعه یئنه ده تمکینینی قوروماغی باجاردیغی زامان بو میثمارلاردان بیرینی چیخارماغی تاپشیریر.

بیر نئچه واخت‌دان سونرا قاپی‌دا میثمار قالمیر. آتا اوغلونو همین تاختا قاپییا یاخینلاشدیراراق دئییر: اوغلوم، سن اؤزونو چوخ یاخشی آپارمیسان. لاکین گؤرورسن قاپی‌دا نه قدر دئشیک قالیب. بو دئشیکلر بیر داها هئچ نه ایله اؤرتولمه‌یه‌جک. باخ اینسان قلبی ده بو قاپی کیمیدیر. هر بیر دئییلمیش آجی سؤز بو قلبی یارالاییر و سن بوندان سونرا نه قدر ده عذر ایسته‌سه‌ن، کونلونو آلسان دا بو اینسانین قلبینده ده بئله یارالار قالیر. اودور کی، هر بیر سؤزو دئمزدن، هر بیر حرکتی ائتمزدن اؤنجه بونون کیمیسه یارالایا بیلجیین‌دن احتیاط ائت.