رقابت

مشهور بیر ایش آدامی، بیر گون پولاد ایشله‌یه‌ن فابریکلریندن بیرینی نظارت ائدیردی، فابریکین‌دن کیفایت قدر ثمره گؤتوره بیلمدیینی دوشونوردو، بونون سببینی اوستاباشین‌دان سوروشدو:

- اوستاباشی، سن باجاریقلی بیریسه‌ن نیه فابریکدن کیفایت قدر ثمره گؤتوره بیلمیریک؟
اوستاباشی جواب وئردی:

- مودیر، بوتون ایشچیلره گؤز آچدیرمادیم، چوخ ایشلتدیم آز ایشله‌سه‌لر ایشده‌ن آتماقلا دا تهدید ائتدیم. لاکین کیفایت قدر ثمره گؤتوره بیلمدیک.

ایش آدامی فابریکده‌کی ایشچیلردن بیرینه سوروشدو:

- بو گون نئچه تون پولاد حاضیرلاییبسینیز؟

- اون ایکی تون

ایش آدامی فابریکین گؤرونه‌ن بیر یئرینه بؤیوک ۱۲ یازدی و چیخیب گئتدی. گئجه نؤوبه‌سینین ایشچیلری گلدیکلرینده ۱۲ رقمی نه معنانی وئریر دئیه سوروشدولار. گوندوز نؤوبه‌سی ایشچیلری ده:

- مدیر بو گون بیزه نئچه تون پولاد ایشلدییمیزی سوروشدو، ۱۲ تون دئیه جواب وئردیک، بورا ۱۲ یازدی و گئتدی.

صاباحی‌سی گون ایش آدامی تکرار فابریکه گلدی. یازدیغی ۱۲ رقمی سیلینمیش و یئرینه ۱۵ یازیلمیشدی. گوندوز نؤوبه‌سی ایشچیلری گلدیکلرینده ۱۵ یازیسینی گؤردولر. گئجه نؤوبه‌سی ایشچیلری داها یاخشی ایش چیخارمیشدی.

گئجه نؤوبه‌سی ایشچیلریندن داها اوستون اولدوقلارینی اثبات ائتمک اوچون بؤیوک بیر سعیله چالیشدیلار و یئره ۱۸ یازدیلار. قیسا مدتده فابریکین ثمره‌سی او اطراف‌داکی بوتون فابریکلری کئچدی.

نئجه اولدوغونو ایش آدامی بئله آچیقلادی:

"داها محصولدار اولماق اوچون شیرکت ایچین‌ده رقابت حسی اویاندیریلمالیدیر. مقصد ایشله‌یه‌نلری داها چوخ ایشه سؤوق ائتمک یئرینه بیر-بیرلرینه اوستون گلمه‌یه تشویق ائتمکدیر. اوستون گلمه حسی، اینسانلارین روحونو جوشدورار. حیات‌دا موفقیتی توتان هر اینسانی خوشبخت ائد‌ن؛ موفقیت‌لی اولدوغو، اوستون گلدیینی دوشوندویو ایشی ائتمک‌دیر. چونکی بو موفقیت ایله اؤزونو ایفاده ائتمه ایمکانی تاپار، اؤزونو قیمت‌لی و اوستون حس ائدر. بو سببله‌دیر کی، بیر اوتوروشدا یوز دنه هامبورگئر یئمه، اللی ایستکان ایچکی ایچمه کیمی معناسیز یاریشمالار ائدیلر. اینسانلاری موتیواسییا ائد‌ن؛ اوستون گلمک، دیرینی گؤسترمک ایستیی‌دیر. بو سببله اینسانلار اوستون گله‌جکلرینی دوشوندوکلری، اؤز باجاریقلارینی اورتایا چیخارا بیله‌جکلری ایشلر اوچون تشویق ائدیلمه‌لی‌دیر".