Kult.az هوشنگ جعفرینین شئیرینی تقدیم ائدیر:

نیسگیل یوْل آچیْب قاینادی کندین بوُلاغیْندا

حسرت موُمالار قالدی سوُیا، چای قیْراغیندا

خالق ایچره قارانلیْق گئجه، آیدیْن گله‌جکلر

شنلیک آدیْنا پایلادیلار، غم چاناغیْندا

گؤیلرده ایْشیْق پایلایان اوُلدوزلارین اۆستۆن

چیسگینلی بوُلود چوُلغالادی، شال سایاغیْندا

بوُ کند اوُشاغیندان بیری‌نین جیْنغیری چیْخمیر

دوْنقوز هوْلالیر میوه لری، آلما باغیـْندا

چوْخداندی بیزی آیری کؤک اۆسته بیتیریبلر

باخ بیر عرب-ین انگینه زنگان پیْچاغیندا

چارداق ییخیلیر بوْستانا، سن‌سیز یئل اَسنده

بیر ذره‌جه گۆج قالماییب ائللر دایاغیندا

شیرلر سیْخلیب دیر بوُجاغا دوْستاقلار ایچینده

ائل قایغی‌سی بوْینوندا دی قاندال آیاغیْندا.