کولت. آذ کلاسسیک آذربایجان ادبیاتینین گؤرکملی نماینده‌سی عماد الدین نسیمینین غزلینی تقدیم ائدیر:

ای باهاریم، ای نیگاریم، ای شیکاریم، دیلبریم
ای حریفیم، ای طریقیم، ای شریفیم، سروریم

ای گولوم، ای سونبولوم، ای سوسنیم، ای عنبریم
ای منیم نخلیم، گئنه حب و نبات و شکّریم

ای حبیبیم، ای طبیبیم، ای طوماریم، همدمیم
ای رفیقیم، ای شفیقیم، ای پریم، ای صفدریم

ای گولوستانیم، گولوم سرو و گول اندامیم منیم
ساغریم، شمع شبستانیم، ملائک پیکریم

ای ریاحیم، راحتیم، روح و روانیم لوطف ایله
سرفرازیم، سرکشیم، سعد و سعادت اختریم

ای منیم خورشید و ماهیم، ای چیراغیم، فانوسوم
شوخ چشم و شاهیم ای موبارک منظریم

عشق گلدی کؤنلوم آلدی، حالیمی یغمالادی
سؤیله آخر ای نسیمی، جان و دل‌دن چاکریم