آنا صحیفه ادبیات |
کولت. آذ ائلدار مغانلینین "کوچهلره آچیلان یاشیل قاپیلار " آدلی شعیرینی تقدیم ائدیر:
شهرین روحونا هوپور سوسوزلوغا آخان باهار؛
یاشیللاشیر قاپیلار،
یاشیللاشیر کوچهلر،
یاشیللاشیر خزللنمیش شههر؛
دالغا- دالغا آرخالانیر قیزیل دؤیونتولر بیر- بیرینه،
کوچه- کوچه یورویور یاشیل شههر-
خزان ساحیللیگینه.
شههرین روحونا هوپور سوسوزلوغا آخان باهار؛
اوتوز ایللیک تنهالیغینی اونودور غریبسهمیش قاپیلار،
اوتوز ایللیک قههرینی اودور سارالمیش کوچهلر،
پاییزلامیش شههر.
قوجاغی آچیلیر آنالار کیمیقاپیلارین؛
سینهسینده پروازلانیر گؤیرچینلر کوچهلرین؛
باخیشلاریندا نغمه بسلهنیلیر-
«انقلاب»دان «آزادی»یه جان آتان شههرین.
کوچهلره آچیلان قاپیلاردا باهار قوخوسو وار،
پاییز قورخوسو وار؛
کوچهلره آچیلان قاپیلاردا
ایللردیر دؤیوشور پاییزلا باهار.
کوچهلره آچیلان قاپیلاردا یاشیللاشیر-
یئر،
گؤی،
تورپاق،
شهر؛
تای-تای آچیلان آنا قوینوندا دینجهلیر یارالی گؤیرچینلر.
عشق اولسون قیزیللیغینا کوچهلرین؛
عشق اولسون یاشیللیغینا شهرین.
تاریخ
2020.07.07 / 17:34
|
مولف
آینورا مممدووا
|