بوعلی‌سینا یولجولوق ائدرکن بیر شهردن کئچدیگینده آتینی بیر قهوه‌خانانین قاباغیندا آغاجا باغلاییب اؤنۆنه سامانلا یونجا توکوب اؤزۆده یئمک، یئمک اوچون بیر تخت اوسته اگله‌شدی.

ائششک مینن بیریسی ده بو آنلاردا اورا چاتیب ائششه‌گیندن ائنیب ائششه‌گی سامان یونجادان اورتاقلاشاراق یئسین دئیه بوعلی‌سینانین آتینین یانینا باغلاییب،اؤزۆده بو‌علی‌سینانین یانیندا اوْتوردو...!

بو‌علی دئدی:

ائششه‌گی آتین یانینا باغلاما،ائششک اونون یئمه‌گیندن یئسه اودا ائششه‌گی تپیکله‌ییب آیاغینی سیندیراجاق.

ائششک مینن شیخین سؤزۆنۆ ائشیتمه‌مکدن گلیب، اۆزۆنه گتیر‌مه‌ییب یئمک یئمه‌یه باشلادی.

بیردن آت، تپیگی باسیب،ائششه‌گین آیاغینی چوْلاق ائله‌دی.

ائششک مینن کیشی دئدی:

سنین آتین منیم ائششه‌گیمی چوْلاق ائدیب گرک باتقی( تاوان )وئره‌سن...!

شیخ سس‌سیز قالیب، اؤزۆنۆ لال‌لیغا ووروب کیشینی یانیتلامادی.

ائششه‌گین یییه‌سی شیخی یارغیجا گؤتۆرۆب اوندان گیلئیلندی.

یارغیج نه اولوب دئیه سوْردو،اما بو‌علی‌سینا یئنه اؤزۆنۆ لال‌لیغا ووروب هئچ بیر یانیت وئرمه‌دی.

یارغیج ائششه‌گین یییه‌سینه اۆز توتوب دئدی: بو کیشی لالدی.

ائششه‌گین یییه‌سی یانیتلادی:

یوخ لال دئییل منیم باتغیمی وئرمه‌سین دئیه اؤزۆنۆ لال‌لیغا ووروب،بو اولایلاردان اؤنجه منیم‌له دانیشیردی!

یارغیج سوْردو:

سنین‌له دانیشدیمی؟ نه‌ دئدی؟

ائششه‌گین یییه‌سی دئدی:

منه دئدی ائششه‌گی منیم آتیمین یانینا باغلاما یوخسا تپیکله ووروب ائششه‌گینین آیاغینی سیندیراجاق.

یارغیج گۆلۆب‌ علی‌سینانین بیلگیسینی آلقیشلاییب دئدی:
بس دانیشماماغینین نه‌دنی بویوموش.

بوعلی‌سینانین «سارساغین یانیتی سوسقونلوقدور»، (جواب ابلهان خاموشیست) وئردیگی یانیت آتا‌ـ‌بابا سؤزۆ اولاراق دیلدن‌ـ‌دیله هله ده دولاشماقدادیر.

چئویرن : تارلا