آنا صحیفه ادبیات |
کولت. آز ائلیار پولادین "آغیر گئجه "آدلی حکایهسینی تقدیم ائدیر:
گئجهنين قارانليغينين آغيرليغين چيينلرينده حيس ائديردي. ائله بيل دونيانين آغيرليغين اونا يوکلهميشديلر. قورغوشون دولوهاوا اونا نفس چکمهيي چتينلشديريردي. هر آدديم گؤتوردوکجه سانکي چيينينده کي يوک بير آزدا آغيرلاشيردي. دهشتلي آنلارين دؤزولممزليگي اونو سارسيديردي. اينديهدک بو قدهر آياقلارينين تابسيزليغيني بيلمهميشدي.هاراسا گئديردي اؤزوده بيلميردي؛ آنجاق ايندي فيکير- خيال اونا حکم وئريردي.
سانکي گؤزلري باخار کورايميش. اطرافيندا دولاشانلاري، کوچهده گليب- اوتنلريده بئله هئچ گؤرموردو. نه ائدهجهييني،هاراسا گئدهجهيينيده آنلاميردي، آنجاق بو آغير يوکو بير يئره داشيماق زوروندايدي. بو فيکير زولاق- زولاقهاواني دولاشان بير سيگارئت توستوسو کيمين اونون ايچهري عالميني بورويوردو.
هر آدديم آتديقجا او سانکي اؤزوندن اوزاقلاشير، منلييي- کيملييي شوبهه آلتينا دوشوردو. زامان – زامان دوشونهرک، اوزاقلارا گئدير، باشي هرلهنير، اوياخليقلا –يوخو آراسيندا کابوس دولو آنلار کئچيريردي. هردن بير وار گوجونو آووجلاريندا توپلاييب، اؤنه آپارير نسه بير يئردن توتوب، وار گوجويله ايستردي کي او يوکون آلتيندان خيلاص اولسون. آمما اونوندا نتيجه سيز اولدوغونو دويوب، ائتديي حرکتدن پئشمانچيليق چکيردي.
گؤزونون اطرافيندا يومشاق بير يوخلوغون و ايتيرمهنين حيسسينه آليشيردي. بو ايتيرمه اونون کيپريکلريني آغيرلاداراق، قاپاماق زوروندايدي. آمما گؤزلرينين اؤنونده حرکته باشلايان «دومانلي فيرلاماجلار» کيپريکلرينين اؤرتولمهسينه مانعه تؤرهديردي. هردن بير دؤنوب، گئرييههاراسا اوزاقلارا زيللهنهرک آجيلي- شيرينلي خاطيره آختاريردي.هارداسا بير خوش خاطيره يادينا سالير، نسه اطرافي بوروين «دومانلي فيرلاماجلار» اونو تئز فيکير – خيالدان يايينديريردي.
هر ايکي يانيندان آسلانان قوللاري او قدهر آغيرلاشميشدي کي ديزلرينين تاب گتيرمهسينه گوماني گلميردي. ائله بو ندندنده بير يئره، بيرينه سؤيکنمهيي آرزولايير کيمي اطرافي سوزدو. ياخينليقدا ايللر بويو گؤرمهديگي، گؤدهسي يوغون پلمهلره اوجالميش، تاريخلردن قالميش بير چيناري گؤردوکده، اونا طرف ياخينلاشدي. آغاجا سؤيکنهرک ديزلري تاب گتيرمهدي، مولاييم سوروشمک حاليندا آغاجين ديبينده تورپاغا سريلدي.
ايندي بير آز توختاميشدي. او فيرلاماجلاردا يوخ اولموشدو. ياواش-ياواش دان يئري سؤکولوردو.هارداسا اوزاقدان بير قوش سسي ائشيديليردي. دهشتلي گئجهنين اؤتمهسي و گونشين گلمهسيني دوشونوردو. او اوشويهرک، نسه ايچهريسنده بيرحيسسين قزينماغيني آنيردي. او گونش کيمين يئنيدن دوغولوردو؛ آليشماغا، نورساچماغا…
تاریخ
2020.07.09 / 15:02
|
مولف
Axar.az
|