کولت. آز گونئی‌لی شاعره آیسو مختارینین شعرینی تقدیم ائدیر:

... و گؤزلرین آراسی کؤرپو یوخ دووار چکیلیر
و سندن اؤنجه یئرین کؤنلومه هامار چکیلیر

یابانجی غوربتیمه، مین وطن دادین وئره نه
اووج - اووج وطنی بیر اوره ک کنار چکیلیر

ایچیمده مین چاووشون هایقیریشلی اؤتمه سی سن
غزلپارام! گولوشون داغلاریمدا جار چکیلیر

یاریب دا داغلاری گل اوتراق ائت باییم ! بایاتیم!
بو قیش ، یئرین اوره ییمده ازار _ ازار چکیلیر

قانادلاریم یاشیل اورمان سیزیلداییر هر آن
پاییز قونوب ایچیمه؛ مین فصیل بهار چکیلیر

غزل -غزل قیلینیر قیبله - قیبله هر نامازیم
بو دان اذان یئرینه اه قاطار - قاطار چکیلیر

پاییز - پاییز تالانیر اللریمده عشق اوشویور
و باغریما یارادان بیر پاییزلی نار چکیلیر