اولی بورادا

آیخان تهرانا واران کیمی درهال بورادا یاشایان دوستونا زنگ ائتدی. اولجه‌دن سؤزلشدیی، اصلا اردبیل‌لی اولان گونئی آذربایجان تورکو، گنج شاعر اولوخان جوادی ایله بیر کافه‌ده گؤروش‌دن سونرا او، بیر نئچه تانیشین دا ایشتیراکییلا محتشم شهری سئیره چیخدی. اولوخان اونا بو نئچه ایللر عرضین‌ده ایرانین اجتماعی-سیاسی تاریخینی، تورکلرین و فارسلارین سوسیال یاشامینی و ان اساسی ۱۹۷۹-دان بو یانا رژیمین، حکومت حاقین‌دا ، تورکلره قارشی آپاریلان شووینیست سیاستین دهشت‌لی مقاملارینی، گونئی‌لی سویداشلاریمیزین گوناه‌سیز یئره حبس اولونماسی، آسیلماسی، اؤز آنا دیلین‌ده تحصیل آلا بیلمه‌مه‌سی و د. مسئله‌لری دانیشمیش‌دی. اونا گؤره ده گزینتییه چیخارکن آیخان یاخشی احوال‌دا دئییل‌دی. اما هر شئی بیردن-بیره دییشدی.

تهرانین بیر نئچه گزمه‌لی-گؤرمه‌لی یئرینی – گلستان سارایینی، ایران میللی موزئیینی، میلاد قوله‌سینی، آزادلیق معبدینی، سعادت سارایینی، ایران خالچا موزئیینی و دیگر موزئیلری، بؤیوک بازاری، دربندی، نیاواران سارایینی، لاله پارکینی، آزادلیق ایستادیونونو و س. - دونیاجا مشهور بوتون یئرلری گزه‌ن آیخان آخشاما دوغرو دوستلارییلا ساغوللاشیب گئجه‌نی کئچیرجیی اوتئله دوغرو یول آلدی. ائله اوتئله آزجا قالمیش‌دی کی، بیردن اونون کؤنلونه بیر آز ایله‌نمک و ایچکی ایچمک دوشدو.

سؤزده "یاساق" اولان گئجه ایله‌نجه‌سی و ایچکی اوچون تهران‌دا سایسیز-حساب‌سیز خصوصی یئرلر واردی کی، بو یئرلردن حکومتین خبری اولسا دا گؤز یومور، اونلارین واسیطه‌سیله آوروپادان، آمریکادان و دیگر غیری-ایسلام اؤلکه‌لرین‌دن گلن توریستلرین دینجلمه‌سی اوچون شرایط یارادیردی. هم فارسلار ازلدن ایچکییه، عیش-عشرته، ایله‌نجه‌لی حیاتا مئیل‌لی ایدیلر، هم بو واسطه‌لرله ایران اؤزونو گلوبال تضییق‌دن، "شیمالی کورئیا" اولماق‌دان قورویوردو.

آیخان بیر "اؤزل" کافه‌ده بیر مدت ایچکی ایچدیکدن سونرا بیر کونجده دایانیب بایاق‌دان اونو ایزله‌یه‌ن، گؤرونوشوندن پرینی آندیران بیر گنج فارس گؤزه‌لی گؤردو و ایچکینین گتیردیی سرخوشلوقلا برابر، بو اسرارنگیز فارس ملیکه‌سینین تأثیرینه قاپیلدی. گؤزله اونو ایزله‌مکدن بئزیب بیر مدت سونرا یانینا گلدی. اونونلا شیرین صحبت ائتمه‌یه، آناسینین اؤیرتدیی کیمی آیخانا "خصوصی" نوازیش گؤسترمه‌یه باشلادی. ایچکینین و عشوه‌لی بو فارس قادینینین اینسانی بیهوش ائد‌ن عطرینین تأثیرین‌دن باشی گیجللنه‌ن آیخان، قارشین‌دا سانکی اینسان دئییل، گؤزلریله اود-آلوو ساچان، اللریله اینسانین بوتون سینیرلرینه حاکم اولان، اندامییلا آغلی باشدان چیخاران، دوداقلارییلا روحو تسلیم آلان، توپوغونا قدر اوزانان سای، قارا ساچلارییلا اونون ال-قولونو باغلایان، اولدوقجا آغلاسیغماز، باخدیقجا، توخوندوقجا توکنمز احتیراسین بخش ائتدیی هیجانلا بوغان غریبه بیر وارلیق گؤرموشدو. سانکی او محتشم ایبلیسین اؤزو، ملک جیلدینده شخصاً اونون اوچون گؤیلردن ائنمیش‌دی. بیر نئچه دقیقه عرضین‌ده آیخان، آدینی یئنیجه اؤیرندیی فارس گؤزه‌لی رؤوشانه‌نین آغوشوندا موم کیمی اریدی، اود کیمی پارلادی، سو کیمی بوخارلاندی و یوخ اولدو...

یاریم ساعت سونرا آیخان و رؤوشانه، بیر کیچیک منزیل‌ده، گئجه یاریسی، "یاساق" اولان هر شئیه "هه" دئمیش؛ ایچکینین، خصوصی بیهوشدارینین و احتیراسین اسیری اولاراق "جننتی بو دونیادا یاشاییردیلار." هر دفعه‌سین‌ده رؤوشانه یئنی حرکته، یئنی تیلسیمه، یئنی قایدالارا کئچیر، آیخانین هئچ واخت، هئچ یئرده گؤرمدیی، دویمادیغی واسطه‌لرله اونو دلی ائدیر، آغلینی باشین‌دان آلیر، هیجانلاندیریر و راحاتلادیردی. آیخانسا گئت-گئده بو "ملک" دونلو "شیطانین" تأثیرین‌دن قورتولماغا چالیشسا دا یئنی‌لیر، زامان کئچدیکجه بو اسرارنگیز فارس گؤزلینین قارشی‌سین‌دا تاب گتیره بیلمه‌ییب اؤزونو اونا تسلیم ائدیردی.

داوامی وار