کولت. آذ کیان خیاوین شعیرینی تقدیم ائدیر:

هاچا دیلیمین اوستون‌ده

کؤرپیکه‌ن شوبهلنردیم
دئمه هاچا دیل‌لی بیر اینسانمیشام
هپ گئرچیین اؤزو.

بیر دیلیم آنا دیلیم
بیر دیلیم شئیر دیلیم؛
هاچا دیل‌لی بیر ایلان سورونجکدیم
اووسون‌چولار یوردونا.

هله یئددی یئردن جالاق ووردوم سونرا
اورتا دوغودا یئشره‌ن بوداقلاری،
ماوی کؤک‌لو آغاجیما آغزیم‌دا.

آنام قوشما-قزللره یئریکلیرمیش
منه بویلویکه‌ن.
سونرالار آغزی‌می داداندیرمیش‌دیر
دؤشلرینین آچیق-آغ شئیرینه.
سود، بال دادی وئریرکه‌ن،
هیه‌جان دا امدیم اوندان
چاره‌سیزلیک ده
و هپ آجی گئرچیینی یاشامین.
ایندی کیم‌دیر
کؤرپیکه‌ن شایرلییمه شوبهه‌له‌ن‌سین؟!

سیز کی کؤرپه دئییلسینیز، آراشدیریجیلار؟!
یوخ‌سا شاعرلری اووسونلاماق چتین!
اووسون‌چولار،
ایلیشیب قالارلار دیلیمین هاچاسین‌دا.
و منیم آنا دیلیم…