کولت. آذ واقیف بهمنلینین "عشق" آدلی شعیرینی تقدیم ائدیر:

باشی‌می خیالین قاتیر بیرتهر
یوخ‌دو قایناماغیم داها هئچ کیمله.
من سنین عشقینله قالخیب هر سحر،
آخشام دا...یاتمیرام سنین عشقینله.

نه بیلیم کوچه‌ده، یول‌دا، یوخودا،
یئنه گؤرره‌م‌می؟ اورک یئییرم!
سنین عشقینله‌دی ایچدییم سو دا،
من سنین عشقینله چؤرک یئییرم!

اونودوب دوست دوغما قارداشلاری‌می
بو عشقین قمینه قارداش اولورام.
چکیرم باشیما گؤز یاشلاری‌می
من سنین عشقینله سرخوش اولورام.

عشقین‌ده گوجه باخ، بیل‌سه ده یوخ‌دو
اؤل‌نی دیریلتمک هؤک‌مو الله‌دا
چاغا تک گولدورور قهر اولان بختی،
منی گاه اؤلدورور،دیریل‌دیر گاه دا.

ایندی بیلله‌م نیمیش عشق اودو جان‌دا
اونا کیم باخیرمیش، نفه باخیرمیش.
مجنون چؤل گزه‌ن‌ده، کره‌م یانان‌دا
عیسی دا چارمیخ‌دا کئفه باخیرمیش!

الله، سن بیلیرسن نلره دؤزدوم
بو سئودا یولونو توتانا کیمی.
دلی دالغالارا باش ووروم، اوزدور
عشقین دریاسین‌دا باتانا کیمی.