آنا صحیفه ادبیات |
کولت. آذ محمدحسین شهریارین " ائیلهمیسن" آدلی شعیرینی تقدیم دیر:
چوخلاری اینجیکدی کی، سن اونلارا ناز ائیلهمیسهن،
من ده اینجیک کی، منیم نازیمی آز ائیلهمیسهن.
ائتمیسهن نازی بو ویرانه کؤنولده سلطان،
ائوین آباد اولا، درویشه نیاز ائیلهمیسهن.
هر باخیشدا چالیبان کیپریی میضراب کیمی،
بیر قولاق وئر، بو سینیق کؤنلو نه ساز ائیلهمیسهن.
باشدان آچ یایلیغی، افشان ائله سوسن-سونبول،
سن بیزیم بایرامیمیزسان، قیشی یاز ائیلهمیسهن.
سن گول اول، قوی غمیمیز داغدا قار اولسون، اریسین،
منیم آنجاق ایشیمی سوزو گوداز ائیلهمیسهن.
من بو معنادا قزل یازماغا حالیم یوخ ایدی،
سن جوجوقتک قوجانی فیرفیراباز ائیلهمیسهن.
ککیلی باشا ووروب، ائیلهمیسهن تاج کیمی،
او قیزیل ساچدان اونا گوللو قوتاز ائیلهمیسهن.
سینه بیر دشتی موغاندیر،قوزو یان-یانه یاتیب،
منیم آغلار گؤزومو اوردا آراز ائیلهمیسهن.
بو گؤزللیک کی، جهاندا سنه وئرمیش تانری،
هر نه قدر ناز ائلسهن، ائیله کی ، آز ائیلهمیسهن.
منی بو سوز ایله آتدین، آرالاندین ، بیلیرم،
آرانی بیر پارا نامرد ایله ساز ائیلهمیسهن.
دستماز ائیلدیین چشم مسیحا قانیدیر،
بیلمیرم هانسی کلیسادا نماز ائیلهمیسهن.
من اشیران اوخوسام، پنجه اراق اوسته گزر،
گؤزلیم، تورک اولالی، ترکی-حیجاز ائیلهمیسهن.
تزه شاعر، بو دنیز هر نه باخیرسان دیبی یوخ،
چوخ اوزاتسان بوغازی، اؤردیی گاز ائیلهمیسهن.
بس کی، زولف وخط وخالین قوپالاغین گؤتدون،
زولفلینین باشینی آز قالا داز ائیلهمیسهن.
گل! منیم ایستدییم کعبه ییخیلماز، اوجالار،
باشدا دا کج گئدهسهن، دیبده تراز ائیلهمیسهن.
خط وخالیندان آلیب مشقیمی قران یازارام،
بو حقیقتله منی اهلی-مجاز ائیلهمیسهن.
شهریار داردا قالیب، داغدا داشا دالدالانیب،
اؤزون اینصاف ائله، محمودی آیاز ائیلهمیسهن...
تاریخ
2019.10.31 / 20:44
|
مولف
Axar.az
|