کولت. آذ ائلشن بؤیوکوندین گونئی‌لی میللی-فعال سیامک میرزایییه حصر ائتدیی " آییتماق" آدلی شعیرینی تقدیم ائدیر:

ایشیق اکسیک اولماز ار‌نلرین گؤزون‌دن
گؤیون اوزو اوزونو اوزرسه گؤزون‌دن
علین‌ده بولود توپالاری قالار
علین‌ده قار، یاغیش، دولو قالار

یای اریر، دامارسا الین‌دن
سن بیر قییهانین کوریین‌ده گئدرسه‌ن
دوداق دیمز بیر بایاتینین دوداغین‌دان قوپارسان
سسین چاخماق داشلارین‌دا ایتیلمیش
سسین قادین ساچلاری ایله هؤرولموش
سسین چکیجله اؤپوشله دؤیولموش
قیرپینجا سسینی
اورو دورار نسنه‌لر
و دیکسینر بوتون گوزگولر

گؤی اوزونو تورپاق‌دان سورمک‌می اولار؟
دیلیم‌دن آدینی درمک‌می اولار؟
گؤزون یاشی ایله قیرلارا یاغماق‌می اولار؟
دایان، تؤوشونو چیچکلر درسین
دایان، ترینی کولکلر سیل‌سین

سویون سسی‌دیر سسین، قانداللانارمی؟
دیلینین بولاغینی المک اولارمی؟
ایشیغی گونش‌دن چالماق اولارمی؟

دایان، بویونا گونش ساریل‌سین
دایان، سورغونو تانری آییت‌سین.