کولت. آز مممد آرازین شعرینی تقدیم ائدیر:

دونیا دوزلمیرکی دوزلمیر بابا

عؤمورده توکنیر سؤزده توکنیر
باشیمین آلتیندان یاستیق دا قاچیر
اللر دیر اوچوران ، اللر تیکه نی
چؤللوکدن یاز قاچیر ، یازلیق دا قاچیر
دونیا دوزلمیرکی دوزلمیر بابا!
..
کیمدن سه تئز دوروب کیمین اوشاغی
ایتینه داش آتیب بئش یوز ایل قاباق
کیمین ده ییرمانی کیمدن آشاغی
بونلاری یئرینده کیم اوتورداجاق ؟
دونیا دوزلمیرکی دوزلمیر بابا!
..
طرفسیز طرفده دوز اوغلو دوزلر
طرفگیر طرفده سیلاح قان – قادا
چایینی ایتیرن ماوی دنیزلر
چیرپینیب بوغولر گؤز قاباغیندا
دونیا دوزلمیرکی دوزلمیر بابا!
..
کیمينسه دوننی قبیرسیز قالیب ؟
کوتانچی باباسی دمیرسیز قالیب ؟
کؤروکچو آتاسی کؤمورسوز قالیب
خمره سي،اورواسي خميرسيز قاليب
دونیا دوزلمیرکی دوزلمیر بابا!

من تکدیم ، جوت اولدوم تکلندیم يئنه
اؤزوم یوک چکنم ،
اؤزوم ده یوکم!

باخسام« دؤز » دییه نه « دؤز » دئییلنه
آغزیمدان قاپیلار اؤز حالال تیکه م
دونیا دوزلمیرکی دوزلمیر بابا!
..
گئدیر یال داواسی سوموک داواسی
گئدیر وورهاوورلا چپیک داواسی
گئدیر میلیيونچونون قپیک داواسی
چوروك فيكيرلرين چوروك داواسي
دونیا دوزلمیرکی دوزلمیر بابا!
..
« منم» دییه نلرین منی گؤرونمور
الی تتيك ده دير اؤزو هدفده
آزمیش عاغیللارین چنی گؤرونمور
ایتمیش ایتیریلمیش باشلار کلفده
دونیا دوزلمیرکی دوزلمیر بابا!
..
هله بو دونیانین قیل و قالی چوخ
بیلمم زهری چوخ ، یوخسا بالی چوخ ؟
چوخ وئردیم اؤزومه بو سوالی چوخ
ارضین نادانیندان آغ ساققالی چوخ
بس نییه بو دنیا دوزلمیر بابا؟

كؤچوره ن:بهروز صديق