کولت. آذ "اوخویان کوغوش" ناغیلینی تقدیم ائدیر:

پالیدین کؤتویونده بالاجا بیر کوغوش یارانمیشدی.

هردن قوشلار گیزلن‌قاچ اوینایان‌دا بو کوغوش‌دا گیزلنه بیلیردیلر. هر سحر کولک اسمه‌یه باشلایان‌دا کوغوش اوخویوردو. اونون اوخوماغی چوبان توتیینین هزین موسیقی‌سینه اوخشاییردی. اصلین‌ده پالید آغاجی دا ائله بونا گؤره یارپاقلارینی بئله هوسله ترپه‌دیر، لذتله رقص ائدیردی.

—بختورین کئفینه باخ، — دئیه اطراف‌داکی آغاجلار اونون پاخیل‌لیغینی چکیردیلر. جاماات کولک‌دن باشینی گیزلتمه‌یه یئر تاپمیر، اما بو، اویناییر.

بیر دفعه کوغوش او قدر گؤزل اوخودو کی، حتی بولودلار دا بو ملاحت‌لی سسه ییغیش‌دیلار. بولودلار او قدر سیخلاش‌دی کی، پاخیل‌لیق‌دان آغاجلارین بیر نئچه‌سینین یارپاقلاری قورویوب تؤکول‌دو.
بولودلار بو گؤزل نغمه‌یه هدییه اولاراق چوخ‌لو اینجی باغیشلادیلار کوغوشا. یاغیش داملالاری بیرجه گؤز قیرپیمین‌دا کوغوشو دولدوردو. اما حیف کی، پیس بیر ایش اولدو. کوغوشون آغزی اینجی داملالاری ایله دولان کیمی او سسینی کسدی. نه قدر اللشدیسه داها اوخویا بیلمه‌دی.