کولت. آذ اوشاقلار اوچون "پاپاق" حکایه‌سینی تقدیم ائدیر:

بو پاپاق احوالاتی ائوده عمل‌لی-باش‌لی قانیقارالیغا چئوریل‌دی.

—بئله ده ایش اولار؟ — دئیه گولنورون آناسی اللرینی اؤلچوردو. —یاریمجا ساعت قاباق پاپاق باشین‌دا ایدی.
آخی نئجه اولدو؟ گولنور سوسوب دوروردو. ائله بیل آناسینی ائشیتمیردی.

—بیلیرسن او پاپاغین قیمتی نئچه‌یه‌دیر؟ اللی مانات! باشا دوشدون؟ هاردان باشا دوشه‌سه‌ن. آخی پولو سن قازانمیرسان. بیر پاپاغی دا باشین‌دا ساخلایا بیلمیرسن! بیر آزدان سس-کوی یات‌دی. آنا ائوه گیردی. گولنور دا حیطه گئتدی. آنانین قولاغینا سس گل‌دی. باخیب گؤردو کی، گولنوردو، کیمینله‌سه دانیشیر. یاواشجا پنجره‌نی آچیب قولاق آسدی. گولنور دئییردی:

—هئچ بیلیرسینیز بو پاپاغین قیمتی نئچه‌یه‌دیر؟ اللی مانات! باشا دوشدونوز؟! هاردان باشا دوشسینیز؟
آنا اونو یامسیلادیغنا گؤره گولنورو دانلاماق اوچون حیطه دوشدو. نه گؤرسه یاخشی‌دی؟! گولنورون پاپاغینین ایچین‌ده ایکی باپبالاجا پیشیک بوزوشوب. اونلار بالاجا پنجه‌لرینی سویوق‌دان گیزلتمک اوچون چنه‌لرینین آلتینا سوخوب، ایستی پاپاغین ایچین‌ده ساکیتجه دوروب باخیردیلار. هر شئی آیدین ایدی. گولنور پیشیک
بالالارینی پاپاغینین ایچین‌ده یاتیرتمیشدی کی، اونلارا سویوق اولماسینی. گولنور آناسینی گؤرن‌ده چاش‌دی. قورخ‌دو کی، آناسی دانلایاجاق. آنجاق بئله اولمادی. بیلمیرم پاپاق تاپیلدیغینا گؤرمی، یا نیه گؤره‌سه آنا اونو دانلامادی. تکجه گولومسوندو…