کولت. آذ آذربایجان‌لی شاعر انتیقام یاشارین "اوشویه‌ن هیکل" شعرینی تقدیم ائدیر:

اوشویه‌ن هیکله‌م یاغیشین آلتدا،

سینه‌م‌ده اورک یوخ ایسینه جانیم.

کیم آیاق ساخلایار، کیم حال سوروشار،

آدام‌سیز شهرده آدام دؤرد یانیم.

گؤزوم‌دن مین سوال توشلانیب گؤیه،

سوال یاغیشییلا جاواب وئریرم.

یاغیش آلت‌دا قالماق بیلیرم ندیر،

تانری، من سنه چوخ عذاب وئریرم.

منیم باغیشلانماق ایستییم یوخ‌دور.

سون نقطه تورپاق‌دی، داش‌دی اوزاغی.

بیر گون بیری چیخیب سوروشاجاق کی،

نیه یاغیش آلت‌دا قویدون اوشاغی؟

کیم‌دن سؤز دوش‌سه ده، سن‌دن دوشمه‌سین،

بیر ده قاییتماییم آدین طرفه.

توبه‌نی بوینوم‌دان دعا آسمیشام،

یؤن چئویرمره‌م او قادین طرفه.

قیسمت بیر اویون‌دو زر ییه‌سینه،

بختینی چاغیرماق لال اوچون دعا.

ایللرین تیکانی اوسته سورونمک،

عؤمور سورمک ایمیش منیمچون گویا.

نفس یورغونویام عؤمور ایچین‌ده،

آیاغیم بوخوودا، علیم قفس‌ده.

گؤزومو آچالی بئله گؤرموشه‌م -

یاشام قفس‌ده‌دیر، اؤلوم قفس‌ده...