کولت. آز "آذربایجان ناغیللاری" تئلئقرام کانالین‌دا یاییم‌لانان و اوستاد ناصر منظوری نین دَیرلی آذ کیتابیندان سئچیلان بایاتیلارı تقدیم ائدیر:

ائل بایاتی لاریندان

گؤرونن داغ لار ایمیش
اوستونده باغ لار ایمیس
یار یاردان آیریلاندا
نه یامان آغلار ایمیش

بولود ائندی داغلارا
خزان گلدی باغلارا
فَلَگین گردیشیندن
عؤمورـ گۆن کئچر قارا

فَلَگین بیر باغی وار
اوستونده چارداغی وار
من اوْ باغا گیرمه رم
قلبیمده یار داغی وار

باغبان منه بار گتیر
اسیرگــــَمه وار گتیر
اَل دَیمه میش آغاجدان
دریلمه میش نار گتیر

یار گؤروندو داغ اوستده
یول آیریلیر باغ اوستده
فلـــَگین قایداسی دیر
داغی چکر داغ اوستده

گئنه گلدی، قیش گونو
اولدوم زولفون دوشگونو
قویمادی ظالیم فلک
خوش اولاق بیر بئش گونو

فلــَگین قهری منه
گلمه دی رحمی منه
دولدوردو قم باده سین
ایچدیردی زهری منه

درد اَلیندن بئزارام
سنه نامه یازارام
گؤزلییه رم گلمه سن
ایلقاریمی پوزارام

من آندیووا ایناندیم
سنی بافالی ساندیم
ایلقارین یالان ایمیش
سنین اودووا یاندیم

اود توتوب یان اوره ییم
یان باغریم یان اوره ییم
ایلقارسیز یار یولوندا
کول اول بیریان اوره ییم

ایلقارین اولدو یالان
گؤیلومو ائتمه تالان
آیریلسین آیری دوشسون
بیزه آیرلیق سالان

عزیزیم نار آغاجی
بار وئرمز نار آغاجی
ایلقاریمدان کئچمه رم
قورسالار دار آغاجی

گون چیخدی قارا دوشدو
شووقو دووارا دوشدو
سئویشدیک آیری دوشدوک
ایلقار اوزاغا دوشدو