یوخاری

قلبیم‌دن وورولموشام، یارالییام، ایستانبول - شعر

آنا صحیفه ادبیات
12 Punto 14 Punto 16 Punto 18 Punto

کولت. آذ گؤرکه‌م‌لی مهاجیر شاعر آلماس ایلدیریمین "ایستانبول" شعیرینی تقدیم ائدیر:

یاشیل، زومرود سینه‌ن‌ده اووونسون دئیه آجیم
سنه گلدیم، گل سورما، هارالییام، ایستانبول.
درد آنلایان بیر دیزه، بیر قوجاغا محتاجام
قلبیم‌دن وورولموشام، یارالییام، ایستانبول.

وارلیغیملا جان دئدیم، بسلدیین اولکویه،
سن نیه دوداق بوزدون اوخودوغوم تورکییه.
چاتما سرت قاشلارینی منه بیر اؤزگه دئیه
باشی دومانلا قافلارین مارالییام، ایستانبول.

ایللر بویو اؤزله‌ییب آرادیغیم خیالمیش
یالنیز منیم کؤنلومده یاشیل بیر کؤلگه قالمیش
گووندییم داغلاری دئرلر ایندی قار آلمیش
دوشمن‌دن، دوستدان گؤزو قارالییام، ایستانبول.

کیم دئدی غربت ائلده چیرپیناراق اینلییم؟…
یاندیم آتش ایچین‌ده، گلدیم کی، سرینلییم…
بوراخ کی، اؤز دردیمی بئش یازیب، بئش دینلییم
کؤنولدن فیرتینالی، بورانلییام، ایستانبول…

تاریخ
2020.02.15 / 16:32
مولف
آینورا مممدووا
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla