آنا صحیفه ادبیات |
کولت. آذ اوشاق ادبیاتی چرچیوهسینده ویدا حشمتینین "طاماح کار پیشیک" شعرینی (تمثیل) تقدیم ائدیر:
بالاجا آغ سیچانی
قووالیردی بیر پیشیک
کاسا دوشدو طاقچادان
داغیلمیشدی ائو ائشیک
قویروغونو توتوردو
سالیردی جیرماغینا
هردن یاواش قولاغین
تاخیردی دیرناغینا
سیچان دئدی آی پیشیک
کشکه منی اؤتورسن
نه اولار کی قازاندان
پیشمیش بیر ات گؤتورسن؟
قاری بیلمز من ده کی
اینجیمه رم، دلی باش!
یئییب، ایچیب، یاتارسان
خنجریندن دوشمز قاش!
پیشیک دئدی یوخ اولماز
داریخارام اوندا من
ترپه نمه سم یئریمدن
اوللام اینک بویدا من
سیچان دئدی به اوندا
هارا گئدر قارداشلیق؟
یاخشیلیغا نه گلر؟
نه اولاجاق یولداشلیق؟
پیشیک دئدی یوخ بالا
بیزدن بیر سیرداش اولماز
نه قارداشلیق؟ نه دوسلوق؟
سیچاندان یولداش اولماز
سیچان دئدی اؤیله می؟
سیخدی دیشین - دوداغین
دوشونوردو نه جوره
بورسون اونون قولاغین؟
دئدی سنه بیرجه بؤرک
توخویورام آغ - قارا
قیش گونلری قویارسان
مندن یادیگار قالا
پیشیک بونا سئویندی
آچدی او جیرماغینی
دئدی هاچاغ وئررسن؟
گیزله تدی دیرناغینی
سیچان دئدی آی قارداش
یوماجاقسان گؤزونو.
پیشیک یومونجا گؤزون
او قورتاردی اؤزونو.
سیچان قوشدو بیر آواز
چال-چال، آی بالابانچی
راحات-راحات قاندیرار
تاماح کاری، یالانچی.
تاریخ
2020.05.29 / 13:46
|
مولف
Axar.az
|