Axar.az
یوخاری
2 اییول 2020


صفویلر دؤولتی ایله باغلی تاریخی حکایه

آنا صحیفه ادبیات
12 Punto 14 Punto 16 Punto 18 Punto

کئچمیش زامانلاردا ،صفویلر دؤولتین‌ده هوندور داغ و سیخ مئشه‌لرین اولدوغو یئرده، اوچولموش بیر کوما واردی. بو کومادا قوجا بیر قاری یاشاییردی. او، بوتون عؤمرونون یاریسینی بو کومادا کئچیرمیشدی. اوللر هئچ اولمادیغی قدر واری، پولو، شانی-شهرتی و خوشبخت عائله‌سی اولسا دا، بوتون بونلاردان اثر علامت قالمامیش‌دیر. صفوی-عثمانلی محاربه‌لرین‌ده اولجه وار-دؤولتینی، داها سونرا ایتیرمیش بو قادین، اؤزونو تکلییه، تنهالیغا غرق ائتمیشدی. بیرباشینا یاشاییب اؤلوب گئدجیی گونو گؤزلییردی. بوندان سونرا ایللر اؤتدو.....

بو قوجا لاپ الده‌ن دوشموشدو. اما قلبین‌ده هله ده بؤیوک بیر آرزوسو وار ایدی. بو، صلح امین آمان‌لیق و اینسانلارین خوشبخت یاشاماسینی گؤرمک آرزوسو ایدی. داها سونرا ایسه حاقا قوووشماق.... هر گئجه دعالارین‌دا بونو آرزولاییردی. بئله‌جه، ساکیت، سس‌سیز تنهالیغی و اورک آغلادان هیچقیرتیسی ایله یوخویا گئدیردی. سحرلر ده بو آرزویلا آیاغا قالخیر و نه واخت‌سا بونون اولاجاغینا اینانیردی.

الله گئجه-گوندوز دعا ائد‌ن، الله‌دان امینامان‌لیق دیله‌یه‌ن، خوشبختلیک ایسته‌یه‌ن بو قوجانین سسینی ائشیتدی. نؤوبتی سحر آچیلدی. تانرینین شفقتی، اطرافا نور ساچان گونشین ایشیغییلا دولو، بیر سحر... آرتیق صفوی و عثمانلی دؤولتلری محاربه ائتمک ایستمیر، صلحون یاخشی شرایطین یاراناجاغینا اومید ائدیرلر. بونا سبب ایسه تانرینین هر ایکی قارداش دؤولتین حکمدارلارلارینین قلبینه سالدیغی نهایت صلح توخوملاریدیر.
۱۶۳۹- جو ایل مایین ۱۷ سی...

قصر شیرین مقاویله‌سی و ایکی بؤیوک تورک دؤولتین‌ده صلحون امین آمانلیغین یارانماسی... بو بؤیوک مقاویله هر شئیین یئنی‌دن باشلاناجاغینا تکان وئردی. آرتیق هر شئی یاخشییا دوغرو ایرلیلییردی. کند تصروفاتی گونو-گون‌دن اینکیشاف ائدیردی، شهرلر برپا اولونور، اقتصادیات اینکیشاف ائدیردی. بو واخت صفویلر دؤولتی ۴ بیلربیلییه بؤلونوردو. کندلرده و شهرلرده یاشایان اوشاقلار دا خوشبخت بؤیویوردولر.....

بئله‌لیکله، قوجا قارینین آرزوسو حیاتا کئچیردی. نهایت، حیات‌دان کوسموش بو اینسانین دا اوزو گولدو. بیر آنلیق محاربه‌نی خاطیرلادی. گؤزلری دولدو و یاشارمیش گؤزلر، ساکیت بیر تبسمله دونیایا عؤمورلوک باغلاندی.آذربایجانیمیزدا صلح برقرار اولدو...

تاریخ
2020.06.07 / 12:25
مولف
آینورا مممدووا
شرح لر
دیگر خبرلر

قبری اوسته شهریارین... - شعیر

فولکلور خزینه‌میزدن: حئیوان دریسی

گئجه‌نین سونو- حکایه‌

شعیر- سئوگیلیم گؤزلدیر، سن ده گؤزل چک

بیر حیکایه‌دیر تبریز- شعیر

سئوگی ییخار دیوارلاری....- شعیر

فولکلور خزینه‌میزدن- حئیوان دریسی

چوخ طبیبه شرح ائیلدیم دردیمی- شعیر

گل، ای دیلبر، منی گؤر کیم، نئجه خاموش یانارام سن‌سیز-غزل

آذربایجان آنا یوردوم دیاریم ‌اعتباریم ایفتیخاریم ووقاریم

خبر خطّی
 
Axar.az'da reklam Bağla
Reklam
Bize yazin Bağla