کولت. آذ گؤرکملی آذربایجان شاعری نریمان حسن‌زاده نین "گزه‌یه‌ن قیز" آدلی شعیرینی تقدیم ائدیر:

سنی گؤروبلر داغوستو پارک‌دا،
گون بیر آز آشاغی اییله‌ن واخت‌دا.
کینودان چیخان‌دا گؤروبلر سنی،
اؤتوروب هاراسا بیر نفر سنی.
سونرا بیر آوتوبوس دوراجاغین‌دا،
سونرا بیر مئترونون چیخاجاغین‌دا،
سونرا بیر تاک‌سییه میندیین یئرده،
سونرا دا ائوه گئج دؤندویون یئرده.
هارایا گئدییب‌سه‌ن گؤز قویوب‌دولار،
آدینی «گزه‌یه‌ن قیز» قویوب‌دولار.

منی گؤزله‌ییب‌سه‌ن داغوستو پارک‌دا،
گون بیر آز آشاغی اییله‌ن واخت‌دا.
سنی او کینویا من آپارمیشام،
اؤزوم اؤتورموشه‌م سونرا، قاداسی.
اود توتوب یاناغین، اوزون یانماسین،
یئنه گؤروشموشدوک گئدیب بیر آخشام:
اول بیر آوتوبوس دوراجاغین‌دا،
سونرا بیر مئترونون چیخاجاغین‌دا،
سونرا بیر تاک‌سییه اوتورموسان سن،
منیم گؤروشومه گئجیکدیین‌دن.
اؤزوم ساخلامیشدیم بیر دفعه سنی،
بیر آز گئج اؤتوردوم من ائوه سنی.
گؤر، نئجه یئربیئر، نئجه آدبااد،
منی گؤرمه‌ییبلر، آی دادی-بیداد!