کولت. آذ نادیر ایلاهینین شعیرینی تقدیم ائدیر:

سوسموشام آما سینه‌م طاقچاسی سازدان دولودور
سوسموشام … آمما گیلی گؤیلوم آوازدان دولودور

من ائله غملی کی باغریمدا پاییز دالدالانیر
او ائله شاد کی باخیش باخچاسی یازدان دولودور

تانییا بیلمه‌میشم قیبله‌می … هیهات هیهات!
آمما گؤیلوم او مچیددیر کی نمازدان دولودور

باخیشیمدان بایاتی چیپجالانیر …. نئیله‌مه‌لی
آنا باغریم سارادان بوشدو…. آرازدان دولودور

گؤز یاشیمدا هله ساغ سول خیالین چیممه‌ده‌دیر
گؤز یاشیم بو قوروماز گؤل هله قازدان دولودور

آه عدالت … آه عدالت … آه عدالت … یاندیم
هارداسان … گل کی سینه‌م طاقچاسی سازدان دولودور