کولت. آذ سیران سخاوتین "ایلک محبت، سون محبت..." آدلی شعیرینی تقدیم ائدیر:

سن نه ایستییردین، نلر ایتیردین؟
قورخما کول اولماق‌دان، یان، مهببتیم.
سن منیم باشیما نلر گتیردین،
آی ایلک محبتیم، سون محبتیم.

او پارلاق سئوگیم‌دن چوخ اوتانیب دان،
اولدوزلار عشقیم‌دن قیزارتی درمیش.
اینسانلار بیر دفعه دوغولدوغون‌دان،
ائله بیر دفعه ده سئوه بیلرمیش...

منه‌م، میلیارد ناخیش سپمیشه‌م گؤیه،
ده، وارمی حسابی ناخیشلاریمین؟!
کیرپیکلر اؤزگه‌یه باخماییم دئیه،
چکیر کئشیینی باخیشلاریمین...

ائله سیزیلداییر قلبیم تار کیمی،
سن کیمین عشقینی داشییاجاق‌سان؟
بلکه ده دیوارلار، ماشینلار کیمی،
سن ده محبت‌سیز یاشایاجاق‌سان...

بوردا تنهالیق‌دان لاپ ایرنمیشه‌م،
قوی مئه سیغاللاسین تلینی سنین.
گئدیب یئتمیش ایکی دیل اؤیرنمیشه‌م،
هله تاپمامیشام دیلینی سنین...

سن بیر سویوق اولدوز، من گؤزلرینه‌م،
عیبی یوخ، منیمچون همیشه وارسان.
سیخما اوریی‌می، اورک جهنم،
آخی سن اورداسان، سن سیخیلارسان...