کولت. آذ اوستاد انجمنین "نئیله‌یه بیلله‌م " آدلی شعیرینی تقدیم ائدیر:

یاریم منه یار اولماسا من نئیله یه بیللم
عهدینده قرار اولماسا من نئیله یه بیللم

اولسون کی جهان جننته دؤندو منه خاطر
بیر لاله عذار اولماسا من نئیله یه بیللم

بیر دردی کی منله دوغولوب روز ازلدن
بیر لحظه کنار اولماسا من نئیله یه بیللم

اولسامدا اگر بولبول شوریده ای گولزار
گر فصل باهار اولماسا من نئیله یه بیللم

مینلرجه آلا دوره می بو نازلی نیگارلار
بختیمده چیخار اولماسا من نئیله یه بیللم

یوز دفعه دئدیم گزمه رقیبیله حاییفسام
جاناندا ووقار اولماسا من نئیله یه بیللم

بیر باغ کی یئتیشدی ،بارا دولدو ال آتارلار
دؤوره نده حیصار اولماسا من نئیله یه بیللم

دئ انجمَنه بس بو قدر غصه و غمدن
بیر راه فرار اولماسا من نئیله یه بیللم