بولتون: اسرائیل حماسی محو ائتدیکدن سونرا...
13:14
آنا صحیفه ادبیات |
کولت. آز گونئیلی یازار حیدر بایاتین "بیر گون گلسهن یوخام" آدلی شئیرینی تقدیم ائدیر:
بیر گون گلسهن، یوخام.
سنه،
منه،
حتی آناملا تانرییا
باغلی اولمایان بیر یوخلوق.
آدم، دوغما یوردو کیمی
قوناجاق اوستومه
قوش یومورتاسینا قونار کیمی.
بیر گون گلسهن،
متنلرده دئییل،
حتی هاشییهلرده،
حتی اتک یازیلاریندا،
حتی کیتابلارین آراسیندا
دوشوب قالان جیریق کاغیذلاردا،
قوروموش چیچکلرده،
حتی پنجرهدن جالانان ایشیقدا
آراما منی.
بیر گون گلسهن یوخام،
اما سن
یوخلوغو یاخشی تانیرسان.
گؤزلرینی یومدوغون یئردن باشلانیر
گؤزلرینین باخمادیغی یئردن
ووجودون یوخ بؤلومو...
تاریخ
2020.03.30 / 22:38
|
مولف
Axar.az
|