کولت. آز عزیز سلامینین "صبیر داشی" آدلی شئیرینی تقدیم ائدیر:

من اونو
صبير داشي بيلديم اؤزومه
ناغيللاردا اولدوغو کيمي.
قاپاياراق قاپي-باجامي
قويارديم اؤنومه صبير داشيمي،
آچارديم اونا
سيرريمي، آجيمي.
او سوسمازدي ناغيللاردا
اولدوغو کيمي،
دانيشاردي دا، دينردي ده،
«سيخيلما، هر نه ياخشي اولاجاق!»
دئيردي ده.
منيم بئله بير صبير داشيم واردي،
سيرريمي، سؤزومو
اؤزونه ييغاردي.
بير گون
اونا دئديکلريمي
باشقاسينادان دينله‌ديم،
بيلديم کي
سؤيله‌ييرميش صبير داشيم
سؤزلريمي اؤزگه‌سينه.
ناغيللارداکي صبير داشي
نه دانيشار، نه دينر،
يالنيز دينلر و دينلر …
بير گون توکنر صبري،
چاتلايار.
آما منيم صبير داشيم
بئله اولمادي،
او نه چاتلامادي
نه ده منيم سيرريمي
گيزله‌مه‌دي، ساخلامادي.
من صبير داشيمي
اؤزوم چاتلاتماق ايسته‌ديم،
آما ائتمه‌ديم،
اينسان داش دئييل آخي،
اينسان‌دير.
آنجاق آند ايچديم کي
داشدان صبير داشيم يوخسا،
اينساندان صبير داشيم اولماسين.
سيرريم
قاپي-قاپي گزمه‌سين،
سؤزوم آغيز-آغيز دولاشماسين.