دونیادا ایکی پاریلتی وار ایدی. بونلار ائله پاریلتیلار ایدی کی، هان‌سی اشیانی ایسته‌سه‌لر پاریل‌دادا بیلیردیلر. حتی آداملاری دا پاریلداتماق اولوردو.

پاریلتیلار بیر گون دالاش‌دیلار. دالاشمالارینین دا سببی لاپ عادی بیر شئی اولدو.

بؤیوک پاریلتی دئدی:

-منجه دونیانین بوتون اشیالاری آنجاق خوشبخت‌لیک‌دن پاریلداییر. بیر باخ، دنیزلر، پنجره‌لرین شوشه‌لری، شئه داملالاری، اوتلار، چیچکلر نئجه آلیشیب یانیر! کیچیک پاریلتی باجی‌سینین دئدیکلرینه اعتراض ائتدی: -سهوین وار. بوتون پاریل‌دایانلار خوشبخت دئییل. اونلارین ایچین‌ده ائل‌سی وار کی، اؤز بدبختلیینی گیزلتمک اوچون پاریلداییر. باخ، بورادا ساچیول‌دوسو باشلادی. بؤیوک باجی بالاجانین ساچین‌دان نئجه توت‌دوسا یازیق آز قال‌دی کی، پاریلتی‌سینی ایتیرسین. اونلار همین گون‌دن تک گزیرلر. بؤیوک باجی خوشبختلری پاریلداتماق‌دان اؤترو هر طرفی گ ازیر و بئله آداملاری تاپان کیمی اونلارا یاپیشیر و پاریلداییر. بالاجا باجی دونیانین ان بدبخت آداملارینی تاپیر. بو آداملار اؤزلرینی باشقالارینین یانین‌دا سین‌دیرماماق اوچون داها یاخشی گئیینیب-گئجینیر کی، جاماات اونون بدبخت اولدوغونو بیلمه‌سین. بالاجا باجی بیر دفعه دونیانین ان بدبخت آدامی ایله تانیش اولدو. اونون اری پادشاه ایدی. ارینین ده ق ایرخ آروادی واردی. دوغرودور، پادشاه آروادلارینین هامی‌سینی پاریل‌دادا بیلیردی. اونلارین هامی‌سینین بوینون‌دا قیزیل بویونباغیلار، بارماقلارین‌دا دونیانین ان قیمت‌لی بریلیانتلاری، قولاقلارین‌دا سیرغالار واردی.

بو بدبخت گلینین ایسه داغلاردا سئوگی‌لی‌سی قالمیش‌دی. پادشاه اونو گؤره‌ن کیمی خوشلامیش v ا سارایینا گتیرمیش‌دی. لاکین بو گلین داغلاردا قالان چوبانی گؤزلییردی. اما اؤزونو بدبخت کیمی آپارماماق اوچون ان-قیمت‌لی داشلارلا بزه‌نیردی کی، آداملار دویوق دوشمه‌سین. بالاجا پاریلتی اونون بده‌نینه یاپیشان کیمی بو گلین ائله پاریل‌دادی کی، حتی خوشبخت‌لیک‌دن پاریل‌دایان او بیری گلینلر اونون پاخیل‌لیغینی چکمه‌یه باشلادیلار.

-سیز بو بختوره باخین، -دئیه پادشاهین کؤهنه آروادلاری قم-قوس‌سه‌یه بات‌دیلار و اونو یان‌دیرماق اوچون یالان‌دان پاریل‌داماق ایسته‌دیلر. بو زامان بؤیوک پاریلتی اونلارین اوستون‌دن قوپوب قاچ‌دی. بالاجا باجی بدبخت‌لیک‌دن پاریل‌دایان بو آروادلارین هامی‌سینا صاحب اولدو. قریبه بوراسی‌دیر کی، اینسانلار دا تام باشا دوش‌دولر کی، خوشبخت اولان‌دا قتییه‌ن پاریلداماغا چالیشماق لازیم دئییل. خوشبختلیین اؤزو ائله پاریلتی کیمی بیر شئی‌دیر و اوزاق‌دان آدامی جلب ائدیر. ایندی کیچیک باجینین ایشی یاخشی گئدیر. بؤیوک باجی د ا اؤزونه i ش تاپیب. دونیانین ان قیمت‌لی اینجیلرینی، شئهلری، دنیزلری، شوشه‌لری، اوتلاری، یارپاقلاری پاریل‌دادیر. بیر سؤزله، کیچیک باجی اینسانلارلا دوستلوغا باشلاییر، بؤیوک باجی ایسه ت ابیتین دوستودور. بس بو پاریلتیلارین هان‌سی یاخشی‌دیر؟ باخ، اوراسینی گرک اؤزون آییرد ائد‌سه‌ن.