شعر”تبریزیم“ که بسیاری از خواننده های آذربایجان آن را اجرا کرده اند، شاعر این شعر، خانم حکیمه بلوری (۳ آذر سال ۱۳۰۵ زنجان) (درگذشت سال ۲۰۰۰ میلادی در سن ۷۵ سالگی در شهر باکو)

قوللاریم دولانار بوینونا بیر گون

یئنه باش قویارام دیزینه، تبریز!

حسرتدن، هیجراندان جانا دویموشام

دویونجا باخارام گؤزونه، تبریز!

بولانیق سولارین آخسین، دورولسون

تزه گونلرینده بوسات قورولسون

سهند جمالینا بیر ده وورولسون

بیر غبار قونماسین اوزونه، تبریز!

گولوستان باغینین سئیرینه گلیم

لاله یاماجیندا بیر ده دینجه لیم

اؤتن گونلریمه یئتیشمز الیم

دوشوم هئچ اولماسا ایزینه، تبریز!

آنا تبسسومون آى ایشیغیدیر

قولوم قامتینین سارماشیغیدیر

شئعریم بو دونیانین یاراشیغیدیر

اینجىسى توکه نمز خزینه، تبریز!

سن شاعیر عؤمرومه ووقار وئریبسن

سولوب سارالمایان گولعیذار وئریبسن

اعتیبار وئریب سن٬ ایلقار وئریبسن

هر ایگید اوغلونا٬ قیزینا #تبریز !