آنا صحیفه ادبیات |
کولت. آز نوسرت کسمنلینین "دوستوم" آدلی شئیرینی تقدیم ائدیر:
گل، منی دوست کیمی دیندیر، دانیشدیر.
دوست بیلسین قیراقدان جاماات بیزی.
من دئییم: دوستومدور، سن دئ: تانیشدیر،
هامیدان گیزلدک سئودییمیزی.
دانیشاق، گولوشک، گزک یان-یانا
اوندا آدیمیزا سؤز ده دئییلمز.
گیزلی گؤروشوموز چیخسا میدانا،
دئیک کی، دوست دوستلا گؤروشه بیلمز؟
یالاندان بیر اوغلان شکیلی گتیر،
هئچ کیم بیلمهسین کی، سئوگیلیگیک بیز.
ایستهسهن آرادا قولوما دا گیر،
بوردا پیس نه وار کی، دوست دئییلیک بیز؟
زنگ ائله دانیشاق درسدن-فیلاندان،
آنانا دئنهن کی، بیر یولداشیمدی.
قوی هامی «دوست» بیلسین بیزی هر زامان،
دئنهن کی، هئچ منیم سئوهن یاشیمدی…
بو یوللا گیزلدک گل سئوگیمیزی،
جاماات «دوست» بیلسین، آنانسا یولداش…
«دوست»لوغا بوکهرک هسرتیمیزی،
بیر آزجیق سئوینک گل یاواش-یاواش.
«دوست»لوقلا بؤیوسون مهببتیمیز،
قوی داها اولماسین هسرت، گؤز یاشی…
گل، اول حیاتدا یولداش اولاق بیز،
سونراسا اولاریق حیات یولداشی…
تاریخ
2020.05.27 / 23:35
|
مولف
Axar.az
|