آنا صحیفه ادبیات |
اوچ قاریشقا، گونشین آلتیندا یاتمیش بیر آدامین بونوندا قارشیلاشدیلار. سلاملاشاندان سونرا هر بیری، قبیلهلرینین گلهنکلرینه گؤره دانیشماغا باشلادی.
ایلک قاریشقا دئدی: "بو تپهلر و اووالار گؤردوگوم اَن شوران یئرلردندی. بوتون گون نه اولور اولسون بیر تاخیل آختاردیم آمما هئچ زاد گؤره بیلمهدیم."
ایکینجی قاریشقا دئدی: "هر یانی، هر بوجاغی آرادیم، من ده بیر زاد تاپا بیلمهدیم، منجه بوراسی هئچ بیر شئی یئتیشدیرمهین، یوموشاق و حرکتلی تورپاقدیر."
آردیندان اوچونجو قاریشقا باشینی قالدیریب دئدی: "دوستلاریم، بو آندا اوجا قاریشقانین بورنوندا دورموشوق، اولو و ابدی قاریشقا، بدنی او قدر بؤیوکدور کی گؤره بیلمهریک، کؤلگهسی او قدر اوزوندور کی ایزلهیه بیلمهریک، سسی او قدر یوکسکدیر کی باشا دوشمهریک و..."
اوچونجو قاریشقانین سؤزلری بیتندن سونرا، او بیری قاریشقالار بیربیرلرینه باخیب گولدولر.
او آندا آدام قیمیلدادی و یوخودا الینی قالدیریب بورنونو قاشیدی و قاریشقالارین اوچو ده اَزیلدیلر.
چئویرن: "سؤز"
تاریخ
2020.06.01 / 09:20
|
مولف
خلیل جبران
|