کولت .آذ نریمان حسنزادنین "نه قریبه‌دیر" شعرینی نتقدیم ائدیر:
ائله دایانیرسان، ائله باخیرسان،
ائله بیل قارشین‌دا قورو بیر داشام.
ایپک ساچلارینی بیر واخت اوخشایان
ائله بیل هارداسا من اولمامیشام.

سنی دوستلاریملا، تانیشلاریملا،
من تانیش ائدردیم نه واخت‌سا بیر-بیر .
ایندی اؤزگه‌لری، یاد ائهتیراملا،
دئییرلر تانیش اول.، نه قریبه‌دیر ؟!

یوخودا گؤرردین نه واخت‌سا هر دم،
یولومو گؤزلردین یوللاردان اوزاق.
من سنین یوخون‌دان چیخیب گلمیشه‌م،
بو دا بیر یوخودور، گل تانیش اولاق.

قولونا گیرردیم، بو، یادین‌دادیر،
گئدردیک ،یولوموز، آرزوموز شریک.
قولوم قوللارینین لاپ یانین‌دادیر،
توخون‌سا، بیز ایندی عذر ایستییریک.

هایان‌دا اولدوم‌سا سحر، یا آخشام،
آرادین سن منی، گؤردون سن منی.
ایندی گؤزلرینین قاباغین‌دایام،
هایان‌دا دوروم کی، گؤره‌سه‌ن منی؟