کولت. آذ آقشین ائوره‌نین "چؤرک قیراغی قادین" شعیرینی تقدیم ائدیر:

چؤرک قیراغی قادین،
ایندی سن‌دن «نئجه‌سه‌ن؟» یوخ، «نئچه‌سه‌ن؟»

سوروشماق ایستییرم
بیزیم اورتا مکتب یاشیمیز دئییل آخی
ایندی بیزی ۲ آلماق دئییل، ایکی اولا بیلمه‌مک آغری‌دیر
ایندی

- «سلام. نئچه‌سه‌ن؟»

- «سلام. یوخام»لا باشلاییر بوتون آیریلیقلار
یالاندی، «آیریلیق» سؤزونون یانین‌دا هئچ واخت «باشلاماق» سؤزو اولمور

آائله سون‌دو، بیتمک‌دی،
گئجه‌لر…

گئجه‌لر اؤز یاتاغینین ایچین‌ده ایتمک‌دی
یئردن گؤتوروب داشین اوستونه قویدوغوم تیکه‌لر حاقی،

بیر خالقین چؤرکسیزلیگی قدر آغریییرام
چؤرک قیراغی قادین، گؤره‌سه‌ن
بیر پئنجیین آلتین‌دا ایکی جان گزدیره‌نلر داها چوخ بدبختدی،

یا عینی یورغان آلتین‌دا بیر-بیرینی بئزدیره‌نلر؟
سن ده بیلیرسن،
سئوگی‌ده آیاقلاری یوخ، اللری یورور گؤزله‌مک…

چؤرک قیراغی قادین،
بو شدت‌لی آغریلارین بیر آستا-آستا اؤلدورمیی وار،
بیر ده گئجه یاریسی یوخودان اویاتماغی
سن‌دن هئچ نه ایستمیرم…

بیرجه
آیاقلارینا قاییتماغی اؤیرت، قاییتماغی