کولت. آذ جاواد احمدی یئکانلی نین "قاریشقا سئوگی‌سی" آدلی حکایه‌سینی تقدیم ائدیر:

داغین ائتگینده اولان ایشچی بیر قاریشقا، داغین زیروه‌سینده اولان قاریشقالارین شاهزاده‌لرینه وورولور.
ایشچی قاریشقا باشلاییر داغی چیخماغا، دوستلاری ایشچی قاریشقانین چاباسین گورن‌ده اونو لاغا قویوب دئییرلر:
سن ایشچی بیر قاریشقاسان شاه‌ین قیزی سنه باخماز. زاتن سن داغی یاری ائدمه‌میش قیش گلر سویوق‌دان اولرسن.
ایشچی وورغون و یورغون قاریشقا دوستلارینا اوز توتوب دئییر:

من سئودیمه چاتماق اوچون چابالامازسام یانی من اولموشم و یاشیمیرام.

قاریشقا بو سوزو دئییر و باشلار یئنه داغی چیخماغا داغین زیروه‌سینه باخان‌دا سئودیگی قیزی گورر. و اونا اوجادان چیغیراراق دئییر:
هئی دنیا گوزه‌لی گوزله منی، من سنه‌ وورغونام بو داغی آشیب سنه چاتاجام.

شاهزاده قاریشقا گوزلرینی سوزورک، باشینی اوجا توتاراق ایشچی قاریشقایا خطاب ائدرک دئییر:
من وارلی بیر قاریشقا دولتی‌نین گوزه‌ل پرنسسی‌ام، سن یوخسول بیر قاریشقا طایفاسینین چیرکین آوارا بیر ایشچی‌سی سن؛ سن هارا من هارا؟

ایشچی قاریشقا بو سوزلردن اینجیدی- اوزولدو امما اوزونه دئدی " من بو داغی چیخیب اونون قارشیسینا چیخاجام داش تاپداسا باشیمی وورارلار، من اونو گورمه‌سم اولرم. هیچ اولمازسا یاخیندان گوروم سونرا اولوم"

و یئنه باشلار داغی چیخماغا بیر آدیم آتمامیش داغین زیروه‌سینه دهشئتلی بیر ایلدیرم دوشر و قارشیقا دولتینی توپراق‌لا بیر ائدر شاهزادا قاریشقا داغین زیروه‌سین دن آشاغی تام دا ایشچی قاریشقانین قارشیسینا دوشر.

شاهزاده قاریشقانین اوزو- گوزو یارا قان ایچینده، بونو گورن ایشچی قاریشقا تئز یانینا گدر. شاهزاده قاریشقا گوزلرینی آچار و ایشچی قاریشقانی گورر بیرده داغین زیروه‌سینه باخار و دولت‌لریندن هیچ نه قالمادیغینی آنلار و اوزونتودن اوزون‌دن گدر.
گوزلرینی آچان‌دا گورر یوخسول ایشچی قاریشقانین ائوینده‌دیر، قارشیسیندا یئمک و سو وار.
یوخسول قاریشقا ایچری گیرر و دئییر:

ای دنیا گوزه‌لی سن سئوگینی وارلا- دولت‌له اولچدون منی تحقیر ائددین. امما سوزون بیتمه‌میش مندن داها پیس دوروما دوشدون. چالیش بوندان سونرا یاخشیلیق ائدیب کونول‌لرین شاهزاده‌سی اولاسان.

بو اولای‌دان ائتکی‌لنن شاهزاده قاریشقا ایشچی قاریشقالا ائولنیب و یاشامینین سونونادک کونول‌لرین شاهزاده‌سی اولماغا چابالییر و باشاریلی اولور.