کولت. آز شاعر قابیلین -"سهو دوشه‌ن‌ده یئریمیز..." آدلی شئیرینی تقدیم ائدیر:

دومان داغی دولانار،
قیامت اولار.
دومان یولا ساللانار،
موسیبت اولار.
موسیبت اولوروق بیز،
سهو دوشه‌ن‌ده یئریمیز.
اوممان گمی‌سی چای‌دا
اوتورار، اوزمز!
چای گمی‌سی، داغ بوی‌دا
دالغایا دؤزمز!
دؤزوم‌سوز اولوروق بیز،
سهو دوشه‌ن‌ده یئریمیز.
موغان هسرت یاغیشا،
بولودلار خسیس...
یاغیش تؤکور تالیشا،
هئی-هئی گرک‌سیز...
گرک‌سیز اولوروق بیز،
سهو دوشه‌ن‌ده یئریمیز.
کوت بیچاق پاریل‌داییب
خیرچیلتی سالیب.
قیلینج قین‌دا پاس آتیب
قین‌دا کورشالیب...
هئیف... کورشالیریق بیز،
سهو دوشه‌ن‌ده یئریمیز.
آغ بیلکلر، گول اللر
تارلادا قابار.
بیر قئیرت‌سیز یئکپر
قیزیلگول ساتار.
قئیرت‌سیز اولوروق بیز،
سهو دوشه‌ن‌ده یئریمیز.
تارین پرده‌لرینی
دوزه‌نه قوربان!
یئردییش ائت بیرینی،
خاریج وورارسان.
خاریج سس‌لنیریک بیز،
سهو دوشه‌ن‌ده یئریمیز.