کولت. آذ آذربایجان‌لی غزلخان مشهدی بابانین غزلینی تقدیم ائدیر:

سنه چوخ جان دئدیم، ای جان، جان اولوب نئیله‌میسه‌ن؟
دئمه جانان اؤزونه، جانان اولوب نئیله‌میسه‌ن؟
گئتمیسه‌ن دایما بیگانه‌نی شاد ائیله‌میسه‌ن…
عاشیقی حسرت ایله ویران قویوب نئیله‌میسه‌ن؟
دئمه ایمکانیم اولان‌دا سنی یاد ائیلیره‌م.
او قدر فورصت اولوب، ایمکان اولوب، نئیله‌میسه‌ن؟
درمانیم اولسا دا سن‌ده، اؤلره‌م... ایستمره‌م...
سن‌ده هر دردیمه هر درمان اولوب نئیله‌میسه‌ن؟؟
بیوفاسان گؤزلیم، سن ده وفا گؤرممیشه‌م،
عاشیقین حسرتی ایله ویران اولوب نئیله‌میسه‌ن؟
بیر دفعه مهمانیم اولدون، آزی مین کره دئدین…
منه گویا کی گلیب مهمان اولوب نئیله‌می‌سه‌ن؟
بابا، بیز اینسانیق، اینسان ایله اینسانلیق ائدک،
قوی دئمه‌سینلر کی، بیزه اینسان اولوب نئیله‌میسه‌ن؟