کولت. آذ شهریار دئل گرانینین شعیرینی تقدیم ائدیر

ائله نیگارانام - سن‌دن نیگاران،
یاشارام عؤموردن-گون‌دن نیگاران.
قایغینا قالیرام اؤز عالمیم‌ده -
نه واخت سویوقلاسان، چای دملییرم.
اورییم الیم‌ده، جانیم الیم‌ده
یانینا گلیرم، گولومسییرم.
دئییرم، "داریخما، یاخشی اولاجاق..."
یاخشی اولمایاجاق، اؤزون بیلیرسن.
سن اؤزون بیلیرسن نئجه اولاجاق...
سن اؤزون بیلیرسن نئجه اولاجاق،
ظالمین ظولمو چوخ، مظلومون آهی.
سن اؤزون بیلیرسن نئجه اولاجاق،
کیمین بوینونادی کیمین گناهی.
شاهید چاغیرارام اورا اللهی،
من سنین اوستونه گناه آلمارام.
نه قدر ایسته‌سه‌ن،
نئچه ایسته‌سه‌ن،
من اؤزوم یانارام نئجه ایسته‌سه‌ن،
هئچ بیرجه تیکه ده سنه قالمارام.
ائه... سنه بو قدر اوزاق اولونجا،
گونشه سو قدر اوزاق اولونجا،
گئدیب دایانارام کولک طرف‌ده،
ساچینی اؤپره‌م کولک طرف‌دن.
بئش-اون خاطره‌یه اومود اولمارام،
سن نئجه ایسته‌سه‌ن،
هاردان ایسته‌سه‌ن،
یادینا دوشره‌م هاچان ایسته‌سه‌ن.
من بئله سئویرم، اونودولمارام...