کولت. آذ علی آقا واحیدین غزلینی تقدیم ائدیر:

سئوگیلیم ! ائل بیلیر من اهلی دردم،
سندن باشقاسینی سئوسم نامردم
غصه دن اؤله رم ، نئیلیم کی هر دم
منی قویوب ، باخیر یانا گؤزلرین !
کیرپییین خنجردیر - قاشلارین کامان
ییخدیغین عاجیزه وئرمزسن آمان
دئدیلر جللاد سان ، ائتمزدیم گومان
سالاجاقدیر منی قانا گؤزلرین !
سنین الینده دیر هر اختیاریم
ظالیم ، اؤلدور منی غم دن قورتاریم
بس کیمه سؤیله ییم کیمه یالواریم
گتیریب دیر منی ، جانا گؤزلرین !
کؤنلومو سالاجاق ، زولفون کمنده ،
حسرتین قویماییب جان قالسین منده
او گؤزلر وار ایکن نه قده ر سنده
آلاجاق کؤنلومو سونا گؤزلرین!
"واحیدم" سئوگیلیم ، منده قانیرام ،
فیتنه کار گؤزلی اوزدن تانیرام
نئجه دئییم سنه غم دن یانیرام
منیم تک اود توتوب ، یانا گؤزلرین !